پەرواز نەشتەرگەری جوانکاری کردووە ؟

رووداو - ھەولێر 

لە تۆڕە کۆمەڵایەتییەکان باس باسی جوانکاری ئافرەتانە بەتایبەتی ھی خانمە گۆرانیبێژ پەرواز حوسێن، پەروازیش وەڵامی خۆی هەیەو راستییەکان ئاشکرادەکات.

بەشێک لە ھەوادارانی پەرواز لە تۆڕە كۆمەڵایەتییەكان دەڵێن كە ئەو خانمە گۆرانیبێژە جوانکاری بۆ روومەت و لێو  و لووتی کردووە، پەروازیش ئەو دەنگۆیانە رەتدەکاتەوە.

پەرواز لەوبارەوە بۆ رووداو گوتی " ھیچ کاتێک ئامادەنیم جوانکاری بکەم و سوپاسی خوا دەکەم کە بەشی خۆم جوانییەکی پێداوم و سوپاس گوزارم، بۆیە ھیچ کاتێکیش حەز بە جوانکاری ناکام و تەنانەت رقیشم لێیەتی" .

پەرواز بە شتێکی ئاسایی دەزانێت ھەر ئافرەتێک جوانکاری بکات، بەڵام وەک کەسایەتی خۆی حەز بە جوانکاری ناکات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger