رووداو - ھەولێر
گەنجێکی شاری ھەولێر دەبێتە مۆدێلێکی بەناوبانگ و لە تۆڕە کۆمەڵایەتییەکان زۆرترین فۆڵۆوەری هەبووە.
ئارۆ رواندزی لە تۆڕی کۆمەڵایەتی ئینستاگرام خاوەنی زیاتر لە 15 ھەزار فۆڵۆوەرە و چەند وێنەیەکی جیاوازی مۆدێلیی بۆیەکەم جار لە (رووداو) بڵاودەکاتەوە.
لە لێدوانێکی بۆ (تۆڕی میدیایی روداو) ئارۆ گوتی:" دڵخۆشم بەوەی کە خەڵکی زۆر دەبنە پاڵشتمان بۆ ئەوەی گرینگی بەبوای مۆدێلیی لە کوردستان بدەین".
"ئەو کارە تازانەی کە کردوومە، لە لایەن فۆتۆگرافەر رەھێڵ ئارتیست وێنەیان گیراوە و چەند کۆلکشنێکی نوێن کە تائێستا شتی هاوشێوە لە کوردستان نەکراوە".
ئارۆ دڵخۆشە بەوەی کە لە لایەن چەند کۆمپانیایەکی جلوبەرگەوە داوایلێکراوە کاری مۆدێلی بۆ کاڵاکانیان بکات و دەڵێت: " کوردستان پێشکەوتووە و گەنجی مۆدێلی بەناوبانگ لە کوردستان دروستبوون، بۆیە ئیدی ھیچ لە کۆمپانیاکانی کوردستان پێویستیان بەوە نییە، بۆ دروستکردنی کۆلێکشن بۆ کالاکانیان مۆدێلی بیانی بێنن".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ