وێنە.. فەرشی سوور و دابەشکردنی خەڵاتەکانی ئۆسکار

گالەری

وێنە.. فەرشی سوور و دابەشکردنی خەڵاتەکانی ئۆسکار

4 کاژێر له‌مه‌وپێش

23 Photos

AFP @afp

رووداو دیجیتاڵ/ وێنە: AFP

98ـەمین خەڵاتەکانی ئۆسکار 15ـی ئاداری ئەم ساڵ لە شانۆی دۆلبی بەڕێوەچوو، رێوڕەسمەکە بە دووبارە سەرهەڵدانەوەی "فیلمە پڕداهاتە ئاستبەرزەکان" پێناسە کرا. مەراسیمەکە بۆ دووەم ساڵ لەسەریەک لەلایەن کۆنان ئۆبرایەنەوە پێشکێش کرا.

لە شەوە ئاهەنگەکەدا، ئەکادیمیاکە رێزی لەو فیلمانە گرت توانیبوویان سەرکەوتنێکی گەورە لە بۆکس ئۆفیس بەدەست بهێنن، لە هەمان کاتدا کە پارێزگارییان لە بەهای بەرزی هونەریی خۆیان کردبوو.

پاڵەوانی بێ رکابەری شەوەکە فیلمی کۆمیدیای رەشی سیاسی "One Battle After Another" (شەڕێک لە دوای شەڕێکی دیکە) بوو لە دەرهێنانی پۆڵ تۆماس ئەندرسن.

فیلمەکە بە شەش خەڵاتەوە پێشەنگی گرت، لە نێویاندا خەڵاتی باشترین فیلم و باشترین دەرهێنەر. ئەمە ساتێکی مێژوویی بوو بۆ ئەندرسن، کە دواجار و دوای دەیان ساڵ لە پاڵێوراوبوون، یەکەم خەڵاتی ئۆسکاری بۆ دەرهێنان مسۆگەر کرد.

فیلمەکە مێژوویشی تۆمارکرد بە بردنەوەی یەکەمین خەڵاتی ئەکادیمیا بۆ باشترین کاستینگ (هەڵبژاردنی ئەکتەران)، کە پۆلێنێکی نوێیە و ئەم ساڵ بۆ بەرزنرخاندنی رۆڵی گرنگی دەرهێنەرانی کاستینگ زیاد کراوە.

لە پۆلێنەکانی نوواندندا، مایکڵ بی. جۆردن خەڵاتی باشترین ئەکتەری بردەوە بۆ رۆڵە دووانییە ئاڵۆزەکەی لە فیلمە داستانییە خوێنمژەکەی رایەن کوگلەر بە ناوی "Sinners"، بەوەش پێگەی خۆی وەک یەکێک لە هێزە درامییە پێشەنگەکانی هۆڵیوود قایمتر کرد.

جێسی بەکلی، یەکێک لە گەورەترین سوپرایزەکانی شەوەکەی پێشکەشکرد، کاتێک خەڵاتی باشترین ئەکتەری کچی بۆ "نوواندنە بێگرێ و کاریگەرەکەی لە فیلمی Hamnet"دا بردەوە. ئەو بووە یەکەم ژنی ئێرلاندی لەو پۆلێنەدا خەڵات بباتەوە.

لەکاتی وەرگرتنی خەڵاتەکە، بە فرمێسکەوە گوتارێکی پێشکێشکرد و سوپاسی "هێزی بێدەنگ"ـی ئەو ژنانەی کرد پێش ئەو هاتوون.

شۆن پێن خەڵاتی باشترین ئەکتەری لاوەکی بۆ فیلمی "One Battle After Another" بردەوە، ئەمە سێیەمین ئۆسکاریەتی، بەڵام یەکەم جارە لە پۆلێنی رۆڵی لاوەکیدا بیباتەوە.

لە هەمان کاتدا، ئەیمی مادیگان سۆزدارترین سەرکەوتنی شەوەکەی تۆمارکرد، بە بردنەوەی خەڵاتی باشترین ئەکتەری کچی لاوەکی بۆ فیلمی ترسناک و هەستبزوێنی چەکەکان (Weapons)