رووداو دیجیتاڵ
هونەرمەندێکی گەنج بە ناوی هێمن، کە کوڕی هیوا سوعاد، سەرۆکی لقی هەولێری سەندیکای هونەرمەندانی کوردستانە، بەرەبەیانی ئەمڕۆ کۆتایی بە ژیانی خۆی هێنا.
کەسێکی ئاگادار لە رووداوەکە بە تۆڕی میدیایی رووداوی گوت: "هێمن بە هۆکارێکی نادیار خۆی کوشتووە".
هاوکات فەرهەنگ غەفوور، بەڕێوەبەری گشتیی رۆشنبیریی و هونەری هەولێر بە تۆڕی میدیایی رووداوی گوت: "کاک هێمن خۆشی هونەرمەند بوو، دەرچووی پەیمانگەی هونەرە جوانەکان بەشی شانۆ بوو".
بڕیارە هەر ئەمڕۆ پرسەی هێمن هیوا سوعاد لە مزگەوتی سەواف لە هەولێر بەڕێوەببرێت.