لە سلێمانی و هەولێر بەهۆی خۆڵبارینەوە زیاتر لە 40 کەس سەردانی فریاکەوتنیان کردووە

 

ئەمڕۆ سێشەممە 1-7-2025 نزار جەزا، پەیامنێری رووداو لە سلێمانی ئەوەی گوت لەکۆی نزیکەی 30 کەس کە بەهۆی خۆڵبارینەوە چوونەتە نەخۆشانەی شار، سیانیان تاوەکو ئێستاش لە نەخۆشخانەکە ماونەتەوە، بەڵام دۆخیان جێگیرە و لە مەترسیدا نین.

 

بەپێی بەدواداچوونەکانی رووداو، لە بەشی فریاکەوتنی نەخۆشانەی رزگاریی فێرکاریی لە هەولێر، لە دوێنێوە 9 کەس چوونەتە نەخۆشخانەی کە سەرجەمیان رەبۆیان هەبووە و بەهۆی خۆڵبارینەکەوە دۆخیان تێکچووە.

 

دەزگای کەشناسی و بوومەلەرزەزانیی هەرێمی کوردستان لە شەممەوە پێشبینی خۆڵبارینی کردبوو و لە یەکشەممەوە تاوەکو ئێستا لە'هەولێر، سلێمانی، دهۆک، هەڵەبجە، کەلار، راپەڕین و کەمێ خۆڵبارین لە زاخۆ' بەردەوامە، بەپێی کەشناسیی هەرێمی کوردستان تاوەکو ئەمشەو خۆڵبارینەکە کەمتر دەبێتەوە.

 

 

- بەستنی دەمامک 

- هەناسەدان لەڕێگەی لووتەوە 

- داخستنی دەرگە و پەنجەرەکانی ماڵ 

- خواردنەوەی ئاو 

- شووشتنی دەستەکان پێش دەستدان لە دەم و چاو

- بەکارهێنانی شێدارکەرەوەی لووت

- پاراستنی چاوەکان

- نەبەستنی هاوێنەی دەستکردی چاو 

- دوورکەوتنەوە لە کێشانی جگەرە، نێرگەلە و ڤەیپ

- هێواشبوون لەکاتی لێخوڕین 

 

 

- تووشبووانی نەخۆشییەکانی کۆئەندامی هەناسە 

- تووشبووانی رەبۆ و شێرپەنجە  

- منداڵ و بەساڵاچووان 

- خانمانی دووگیان 

- ئەوانەی بەرگریی جەستەیان لاوازە 

- ئەوانەی هەستیارییان هەیە