پسپۆڕێک: منداڵ بە نەخۆشیی گەنم کورتەباڵا دەبێت

د. دڵزار ئەدهەم، پسپۆڕی نەخۆشییەکانی منداڵان لەبارەی چۆنیەتیی دەستنیشانکردنی نەخۆشییەکە گوتی، نزیکەی 1٪ بۆ 2٪ـی منداڵان ئەم نەخۆشییەیان هەیە کە لەو کاتەی دەست دەکرێت بە خۆراکدان بە منداڵ بەدەردەکەوێت. نیشانەکانیش لە دەقی وەڵامەکانیەتی بۆ رووداو.

د. دڵزار ئەدهەم: نەخۆشیی گەنم نەخۆشییەکی درێژخایەنی کۆئەندامی هەرس و ریخۆڵەیە، لە منداڵاندا بەهۆی هەستیاریی سیستمی بەرگریی جەستە بەرامبەر بە مادەی گلوتین کە لەنێو گەنم، جۆ و هەندێک خۆراکی دیکە هەیە، روودەدات.

د. دڵزار ئەدهەم: نیشانەکان دەشێت ئەمانە بن؛

1- سکچوونی درێژخایەن.

2- ئەستووربوونی سک.

3- کەمخوێنیی درێژخایەن و چاکنەبوونەوەی کەمخوێنییەکە بە چارەسەر.

4- سکئێشەی درێژخایەن.

5- هەوکردنی درێژخایەنی نێو دەم و تێکچوون و پووکانەوەی ددانەکان.

6- گەشەنەکردن بەتایبەت کێشی مناڵەکە دایمە کەمە و زیاد ناکات.

7- هەندێکجار مناڵەکە تووشی قەبزیی درێژخایەن دەبێت.

8- نەمانی ئارەزووی خواردن و هەندێکجار هێڵنج و رشانەوە بۆ ماوەیەکی درێژ.

9- منداڵەکان کورتەباڵا دەبن و هەندێکجار نیشانەکانی دووەمیی گەشەی رەگەزی دوادەکەوێت.

د. دڵزار ئەدهەم: لەڕێگەی هەندێک پشکنینی تاقیگەیی دیاری دەکرێت، بەڵام تاکە رێگەی زۆر ورد و پشتپێبەستراو لەڕێگەی هەناوبینی ''ناظور''ـی گەدە و دووانزەگرێوەیە.

د. دڵزار ئەدهەم: دوورکەوتنەوە لەو خۆراکانەی کە مادەی گلوتینیان تێدایە وەکو ئەوانەی ئەو خۆراکانەی گەنم و جۆیان تێدایە یاخود هەندێک خۆراکی دیکە.