هۆشداریی جیدی دەدرێتە خانمان؛ 15٪ـی دووگیانییەکان بە لەبارچوون کۆتاییان دێت!

 

توێژەرانی زانکۆی جۆنز هۆپکینز لە ئەمریکا داتاکانی 140 هەزار کۆرپەلەی لەبارچوویان شیکردەوە و دەرکەوت، هۆکاری بۆماوەیی بە هۆیەکی سەرەکیی لەبارچوون دادەنێت و دەڵێن، ناڕێکی لە دروستبوونی کڕۆمۆسۆم (جین)ـی کۆرپەلە بەتایبەتی لە شەش مانگی دووگیانیدا ئەگەرێکی زۆر بۆ لەبارچوون دروستدەکات.

 

راجیف مەککۆی، سەرپەرشتیاری توێژینەوەکە دەڵێت: دەشێت ناڕێکییەکانی کڕۆمۆسۆم لەنێو ئەو خانمانە زۆر بێت کە لە تەمەنێکی زۆردا دووگیان دەبن.

 

 

1- گەورەبوونی تەمەنی دایک، بەجۆرێک ئەوانەی سەروو 35 ساڵانن ئەگەری لەبارچوونیان زیاترە

 

2- کێشانی جگەرە و نێرگەلە

 

3- خواردنەوەی کحول

 

4- بەکارهێنانی هەندێک دەرمان

 

5- قەڵەوی

 

6- تووشبوونی دایک بە هەندێک جۆری ڤایرۆس و بەکتریا

 

7- کۆنتڕۆڵنەکردنی نەخۆشییە درێژخایێنەکان وەکو 'شەکرە، پەستانی خوێن و نەخۆشییەکانی غودە'

 

8- هەبوونی کێشە لە منداڵدان و ملی منداڵدان