ڤێتێرنەریی دهۆک: هەڵمەتی تایبەتمان بۆ رێگری لە تای خوێنبەربوون راگەیاندووە

 

ئەمڕۆ شەممە 3-5-2025 ئەمین ئامێدی، گوتەبێژی ڤێتێرنەریی دهۆک لە بووڵتەنی نیورۆژدا رایگەیاند، لە 15ـی نیسان تاوەکو 15ـی حوزەیران هەڵمەتی رشاندن و کوتانی ئاژەڵیان راگەیاندووە و بەردەوامن بۆ پێشگیریکردن لە تای خوێنبەربوون و نەخۆشییەکانی نێو ئاژەڵان.

 

ئەمین ئامێدی گوتی، خەڵک دەبێت هۆشیار بن لە رێگەکانی خۆپاراستن لە تای خوێنبەربوون و مامەڵەی دروست لەگەڵ گۆشتی سوور بکەن.

 

هەر بۆیە پێشنیاز دەکات، بەهیچ شێوەیەک گۆشتی بێ مۆر نەکڕن و نەخۆن. لە شوێنی یاسایشدا ئاژەڵەکانیان سەرببڕن و گۆشتی سەر شەقامەکان نەکڕن.

 

ئەمین ئامێدی دەڵێت: تائێستاش هاوردەکردنی ئاژەڵ لەگەڵ عێراق قەدەخەکراوە و زیاتر لە دەرەوەی هەرێمی کوردستان گۆلک لە بەرازیل و ئۆکراینا و وڵاتانی دەرەوە دێت.

 

دوێنێ هەیینی، وەزارەتی تەندروستیی هەرێمی کوردستان یەکەم تووشبووی بە تای خوێنبەربوون راگەیاند، کە خەڵکی قەزای کۆیەیە لە پارێزگای هەولێر. رووداو ئاشکرای دەکات، کەسەکە فەرمانبەرە و مانگێک لەمەوبەر بە کاتی، کاری فرۆشتنی ئاژەڵی کردووە.

 

 

- بەکارهێنانی دەستكێش، ماسک و جلوبەرگی تایبەت

- دەستشۆردن 

- نابێت ئەندامانی خێزان کۆببنەوە لەکاتی سەربڕینی ئاژەڵ

- سەرجەم پاشماوەی ئاژەڵی سەربڕدراو بخرێتە نێو کیسی داخراو

- پاکژکردنی چەقۆکان دوای سەربڕین بە دەرمانی دژەبەکتریا و دژەڤایرۆس

- پاککردنەوەی ئەو شوێنەی ئاژەڵەکەی لێ سەردەبڕدرێت بە ''فاست''

- دوای سەربڕینی ئاژەڵ 24 کاژێر گۆشت لەنێو بەفرگردا هەڵبگیرێت 

- باشترە گۆشت بکوڵێندرێت 

- بەکارنەهێنانی ئەو ئاژەڵانەی گەنە یاخود مێروویان پێوەیە

 

 

- پێوەدانی مێروویەکی تووشبوو بە نەخۆشییەکە 

- بەرکەوتنی راستەوخۆ بە پاشماوە، گۆشت و ئاژەڵی تووشبوو 

- بەرکەوتن بە شلە و پاشماوەی کەسی تووشبوو 

 

 

* ئاژەڵدار 

* گۆشتفرۆش

* کرێکارانی سەربڕخانەکان

* پزیشکی ڤێتێرنەری 

* کابانی ماڵەوە 

* بەرکەوتەی کەسی تووشبوو