هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەشتەرگەرییەکانی گورچیلە و میزەڕۆ لە سنووری راپەڕین رایدەگەیێنێت، لە نەخۆشخانە حکومییەکانی ئەو دەڤەرە ئێستاش بە چەقۆکاری نەشتەرگەریی لابردنی بەردی گورچیلە دەکرێت و پێویستیان بە ئامێری نوێ هەیە بۆ ئەو پڕۆسەیە.
ئەمڕۆ چوارشەممە 4-12-2024 د. بەهمەن میرانی، پسپۆڕی نەشتەرگەرییەکانی گورچیلە و میزەڕۆ لە نەخۆشخانەی فێرکاریی شەهیدانی قەڵادزێ بە رووداوی راگەیاند، لە نەخۆشخانەکە پێویستیان بە ئامێری 'شۆکوەیڤ' بۆ شکانی بەردی گورچیلە هەیە.
د. بەهمەن میرانی دەڵێت: ئەگەر ئامێری هەناوبین بۆ لابردنی گورچیلە لە نەخۆشخانەکە دابینبکرێت ئەوا نەخۆشەکان خێراتر چاکبدەبنەوە و ئەگەری تووشبوونیان بە هەوکردنی دوای نەشتەرگەریش کەمدەبێتەوە.
هاوکات ئەوەشی گوت، لابردنی بەردی گورچیلە بە چەقۆکاری دەشێت نەخۆشەکە تووشی 'هەوکردنی دوای نەشتەرگەری، کەمئەندامبوون، فتق و درەنگچاکبوونەوە' بکات.
لە کۆتاییدا گوتیشی، 95٪ـی ئەو نەخۆشانەی بەردیان هەیە بە ناچاری دەچنە نەخۆشخانە تایبەتییەکان و نایانەوێت بە چەقۆکاری و کردنەوە بەردەکەیان بۆ لاببرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ