خۆپاراستنی تەندروستیی سلێمانی: هیچ نەخۆشییەک بەهۆی لافاوەکەی چەمچەماڵەوە بڵاو نەبووەتەوە

 

ئەمڕۆ سێشەممە 6-1-2026 د. کارزان رەفیق، پسپۆڕی خۆپاراستنی تەندروستی کە بەڕێوەبەری کارگێڕیی بەڕێوەبەرایەتیی خۆپاراستنی تەندروستیی سلێمانییە بە رووداوی راگەیاند، لە ئەنجامی هەڵمەتێکی فراوانی هۆشیاری تەندروستی و پشکنینی ئاو و خۆراکی زیانلێکەوتووانی چەمچەماڵ، سەردانی 900 ماڵ کراوە و نزیکەی چوار هەزار هاونیشتمانیش هۆشیار کراونەتەوە.

 

د. کارزان رەفیق روونی دەکاتەوە، رێنوێنی دراوەتە 22 خوێندنگەی چەمچەماڵ و هەزاران خوێندکاریش لە مامەڵەکردنی دروست لەگەڵ خۆراک، خواردنەوە و ئاو هۆشیار کراونەتەوە.

 

بەپێی خۆپاراستنی تەندروستی لە سلێمانی، هیچ نەخۆشییەک بەهۆی لافاو و پیسبوونی ئاوەوە لە چەمچەماڵ بڵاو نەبووەتەوە.

بەهۆی بارانبارینەوە لە 9ـی کانوونی یەکەم لە بەشێکی باشووری کوردستان لافاو دروستبوو. لافاوەکە تەنیا زیانی مادی نەبوو، بەڵکو بووە هۆی گیانلەدەستدانی پێنج هاونیشتمانی و بێسەروشوێنبوونی ئەندازیارێکی عەرەب. راپۆرتێک ببینە.