پسپۆڕانی کورد وەکو هاوەڵانی سەرەکی بەشدارن لە کۆنفرانسی ساڵانەی کۆلێژی نەشتەرگەرانی ئەمریکا

 

ئەمڕۆ سێشەممە 7-10-2025 د. سادق عەزیز، سەرۆکی لقی هەرێمی کوردستانی کۆلێژی نەشتەرگەرانی ئەمریکا بە رووداوی راگەیاند، هاوشانی پسپۆڕانی نەشتەرگەریی گشتیی وڵاتانی دیکە، لقی کوردستان بە کۆمەڵێک پزیشک و پسپۆڕی هاوەڵەوە بەشداریی کۆنفرانسەکە بووین.

 

د. سادق عەزیز دەڵێت: لە هەرێمی کوردستان حەوت پسپۆڕی نەشتەرگەری ئامادەی کۆنفرانسەکە بوون و ئەو پڕۆفیسۆرە تێکەڵاوبوونی نەشتەرگەرانی کورد لەگەڵ نەشتەرگەرانی ئەمریکی بە گرنگ دەزانێت لە پێشکەوتنی زانستی پزیشکان بەتایبەت ئاشنابوون بە رێگە و تەکنیکە نوێیەکانی بواری نەشتەرگەری.

 

کۆلێژی نەشتەرگەرانی ئەمریکا گەورەترین دامەزراوەی نەشتەرگەرییە لە جیهاندا و لە ساڵی 1913 دامەزراوە، زیاتر لە 93 هەزار هاوەڵی هەیە و نزیکەی سێ ساڵە کوردستان وەکو لقێکی ئەو دەزگایە کراوەتەوە و زیاتر لە 100 هاوەڵی لەنێو دامەزراوەکە هەیە. 

 

زانیاریی زیاتر لەبارەی لقی هەرێمی کوردستانی کۆلێژی نەشتەرگەرانی ئەمریکا بزانە (کلیک بکە).