نوێنەرێکی لیژنەی باڵای قایمقامیەتی سلێمانی: گۆشتفرۆشەکان جلوبەرگی تایبەت لەبەر بکەن

 

ئەمڕۆ شەممە 10-5-2025 ئازاد نەبی، نوێنەری تەندروستی لە لیژنەی باڵای قایمقامیەتی سلێمانی بە رووداوی راگەیاند، ئەو کابانەنەی لە ماڵەوە گۆشت لەت دەکەن و ئامادەی دەکەن، پێویستە دەستکێش لەدەست بکەن.

 

ئازاد نەبی باسی ئەوە دەکات، ''ڤایرۆسی تای خوێنبەربوون بە مادەی پاکژکەرەوە لەنێو دەچێت'' و بە رێگەیەکەی کاریگەر داینا بۆ خۆپارێزی لە نەخۆشییەکە.

 

جگە لەوەی لە کۆیە تووشبوویەکی تای خوێنبەربوون تۆمار کرابوو، ئەمڕۆ گیانلەدەستدانی تووشبوویەکی نەخۆشییەکە لە دهۆک پشتڕاستکرایەوە و لە عێراقیش زۆرترین تووشبوو لە پارێزگای زیقار تۆمار کراوە.

 

 

 

* ئەو ئاژەڵانەهەڵبژێرە کە گەنە و مێش و مەگەزیان پێوە نییە. 

* لەکاتی سەربڕیندا دووربکەرەوە لە شوێنەکە و با هیچ بەرکەوتەیەکت لەگەڵ گۆشت و پاشماوەی ئاژەڵەکە نەبێت. 

* پێش سەربڕین و دوای سەر بڕین پشکنین بۆ ئاژەڵە بکرێت. 

 

* بە دەستکێش و جلوبەرگی تایبەت گۆشتەکە لەت لەت بکرێت. 

* ئەو چەقۆیەی بەکاردێت واباشترە فڕێ بدرێت یاخود دوای کارەکە بە فاست بشۆردرێت. 

* سەرجەم خوێن و پاشماوەکان بخرێنە نیو کیسە و لە شوێنی تایبەت فڕێ بدرێن. 

* لەکاتی بەرکەوتن بە گۆشتەکە دەستەکان بشۆردرێن و دەست نەبرێت بۆ دەم لووت. 

 

 

* راستەوخۆ بیخەرە نێو بەفرگر بۆماوەی 24 کاژێر.

* دواتر بیخەرە نێو ساردکەرەوە بۆ ئەوەی خاو ببێتەوە.

* چەند کاژێرێک بیکوڵێنە یاخود بیکە بە کەباب و بیبرژێنە ئاساییە.