خانەنشینان لەبارەی پەستانی خوێنیان؛ خەم نەخۆی، پەستانی خوێن بەرز نابێتەوە

 

ناهیدە رەئووف، خانەنشین دەڵێت: باوکم لە تەمەنی 100 ساڵیدا مرد، هەموو رۆژێک وەرزشی دەکرد و تووری دەخوارد، هیچ نەخۆشییەکیشی نەبوو.

 

ئەبوبەکر عومەر یەکێکی دیکەیە و جەخت لە بایەخی لێپیچینەوە لە نەخۆشییەکان دەکات و دەڵێت: پەستانی خوێنم بەرز بوو و دکتۆر پێی گوتم، دەبێت پارێز بکەیت، بەگوێم کرد و ئێستا زۆر باشم.

 

بەساڵاچوویەکی دیکەش گوتی، ''پەستانی خوێنمان بەرز دەبێتەوە، چونکە وەختی خۆی پارێزمان نەکردووە و شیرینیمان زۆر خواردووە''.

 

عومەر دەروێش، خانەنشینێکی دیکەیە و بەگوتەی خۆی، ''خەم نەخۆی، پەستانی خوێن بەرز نابێتەوە''

 

پیاوێکی بەساڵاچووی دیکە زۆر جەخت لەوە دەکاتەوە کە مرۆڤ دەبێت خۆی پزیشکی خۆی بێت و بزانێت کە چۆن ژیانێکی تەندروستی دەبێت. هەر بۆیە دەڵێت: ''مرۆڤ دەبێت خۆی دکتۆری خۆی بێت''.

 

 

قسە مەکە و مەترسێ، باشترە دوو جار پێوانەکە تۆمار بکەیت بۆ دڵنیابوونەوە، بەڵام هەر جارێکیان چەند خولەکێکی لەنێوان بێت

 

پاڵبدەرەوە بە کورسییەکە، قاچ مەخەرە سەر قاچ و با قاچەکان لە زەویدا بن، ئەو دەستەی پێوانەکەی لێدەکرێت لەسەر مێزێک دابنرێت و پەستانی نەکەوێتە سەر

 

بەستەری ئامێرەکە لە سەروو چەمانەوەی ئانیشکەوە بێت، بە باشی ببەسترێت و نابێت لەسەر جلوبەرگەوە ببەسترێت

 

 

- جگەرە، نێرگەلە و ڤەیپ مەکێشە

- چا، کحول، قاوە و خواردنەوە وزەبەخشەکان مەخۆرەوە

- وەرزش مەکە

- میزەڵدانت بەتاڵ بکەرەوە

- ماوەی پێنج خولەک بحەسێرەوە