دەزگایەکی بەریتانی: پایز کاتی بڵاوبوونەوەی پەتاکانە و هەندێکیان مەترسیدارن

 

دەزگای ئاسایشی تەندروستیی بەریتانیا UKHSA دەریدەخات، ڤایرۆسەکان لە پایزدا بە رێژەیەکی زۆرتر و چالاکانەتر بڵاو دەبنەوە و بەشێکی زۆری ئەوانەی لە وڵاتەکە تووشی پەتا بوون، بەهۆی ڤایرۆسی بەشی سەرەوەی کۆئەندامی هەناسە بووە (رینۆ ڤایرۆس).

 

پڕۆفیسۆر جۆناسان بۆڵ، پسپۆڕی پەتازانی لە لیڤەرپووڵ دەڵێت: ئەمە شتێکی ئاساییە و پایزە، تەنانەت بەهۆی تێکەڵاوبوونی منداڵان لە قوتابخانە و ساردبوونی کەشوهەواوە ئەمانەش روودەدەن.

 

ئەمەش جگە لەوەی ڤایرۆسی RSV کە ڤایرۆسێکی کۆئەندامی هەناسەدانە هۆکارێکی پەتای وەرزییە و دەشێت ببێتە مەترسی بۆ منداڵ و بەساڵاچووان.

 

 

1- شۆردنی دەستەکان بەمەرجێک دەستشۆردنەکە زیاتر بێت لە 20 چرکە

2- بەکارهێنانی مادەی پاکژکەرەوە بۆ سەر مێز و کەلوپەلەکانی دەوروبەرت

3- بایەخ بە خواردنی سەوزە و میوەکان بدە بەتایبەت مزرەمەنییەکان

4- رۆژانە ئاوی پێویست بخۆرەوە

5- نزیک مەکەورەوە لە کەسی تووشبوو

6- کەسانی تووشبوو لەکاتی کۆکە و پژمە کلێنکس بەکاربهێنن

7- دوورکەوتنەوە لە شوێنی قەرەباڵخ

8- هەواگۆڕکێ لەنێو ماڵدا هەبێت

9- کوتان بە ڤاکسینی ئەنفلەوەنزای وەرزی

10-  دەرزیی تێکەڵە بەکارمەهێنە، چونکە بەرگریی جەستە لاواز دەکات 

11- بە ئاوی شلەتێن یاخود سارد خۆتبشۆ، چونکە بەرگریی جەستە بەهێز دەکات