پسپۆڕێک: نەخۆشییەکانی دەم و ددان لەنێو منداڵانی خاوەن پێداویستیی تایبەت زۆرن

 

مەبەست لە منداڵانی خاوەن پێداویستیی تایبەت، ئەوانەن کە دەشێت دووچاری نەخۆشیی دەروونی، ناڕێکیی جەستەیی، ناڕێکیی گەشە و ئۆتیزم و داون سیندرەم و فرەجووڵەیی بووبن.

 

د. یارە ئیسماعیل بەقاڵ، پسپۆڕی نەخۆشییەکانی دەم و ددانی منداڵان و خاوەن پێداویستیی تایبەت بە رووداوی راگەیاند، نەخۆشییەکانی دەم و ددان رێژەیان زۆرترە لەنێو منداڵانی خاوەن پێداویستیی تایبەت چونکە؛

 

1- توانای پاکڕاگرتنی دەم و ددانیان نییە.

2- خۆراکەکانیان زۆرینەی ناتەندروستن کە دەبنە هۆی کلۆربوونی ددانەکانیان.

3- توانای دەرخستنی ئازار و کێشەکانی دەمیان نییە، چونکە توانای پەیوەندیی تەواویان نییە.

 

 

- رەخساندنی کەشێکی ئارام بۆ هێورکردنەوەی دەروونی منداڵان لەنێو کلینیک.

- بەکارهێنانی گازی پێکەنین NO2.

- چارەسەری لەژێر سڕکردنی جەستە CS.

- چارەسەری لەژێر سڕکردنی گشتی GA.

 

لە کۆتاییدا گوتی، ''کۆنتڕۆڵکردنی تەندروستیی دەم و ددانی منداڵانی خاوەن پێداویستیی تایبەت پێویستە ئەرکی ماڵبات و پزیشکی ددانە کە بەرپرسیارێتییان هەبێت بەرامبەر چاودێریکردنی منداڵان بەتایبەت لە تەمەنی 5 ساڵی یەکەمدا''.