هەڵەیەک روویدا! دووبارە هەوڵبدە
رووداو - تەندروستی
وەزارەتی تەندروستیی هەرێمی کوردستان بە نووسراوێک کە ئاڕاستەی هەموو بەڕێوەبەرایەتییە گشتییەکانی تەندروستی دەکات، داوای لەنێوبردن و کشانەوەی جۆرە شیرێکی منداڵان دەکات لە بازاڕەکاندا و رایدەگەیێنێت، بەپێی پێوانەکانی عێراق نییە.
وەزارەتی تەندروستی رایدەگەیێنێت، شیرەکە ناوی (OPTILAC)ـە و لە چینەوە بەرهەم دێت، بەڵام بەپێی مادەی 159ـی سەلامەتیی خۆراکی عێراقی، هەموو شیرێکی چینی و ئەو خۆراکانەشی کە شیرینی و شیری چینییان تێدایە قەدەخەن.
هەر بۆیە وەزارەتەکە داوای لەنێوبردنی هەموو ئەو شیرە چینییانە دەکات کە لە بازاڕەکاندان بەتایبەت شیری OPTILAC.
ئەمەی خوارەوە ئاگادارییەکەی وەزارەتی تەندروستییە بۆ هەریەک لە بەڕێوەبەرایەتییە گشتییەکانی تەندروستی لە (هەولێر، سلێمانی، دهۆک، هەڵەبجە، راپەڕین، زاخۆ، کۆیە و سۆران و گەرمیان) کە د. سامان بەرزنجی، وەزیری تەندروستی واژۆی پەسندکردنی لەسەر کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ