هەڵەیەک روویدا! دووبارە هەوڵبدە
دکتۆر لونا - دکتۆر ئەحمەد پاڵانی
رووداو - تەندروستی
سەرۆکی لقی هەولێری سەندیکای پزیشکانی ددان جەخت لەوە دەکاتەوە کە هەموو نۆرینگەکانی ددان ئامێری تایبەت بە پاکژکردنەوەی کەلوپەل و پێداویستییە بەکارهاتووەکانیان هەبێت.
ئەمڕۆ دووشەممە 19-5-2025 دکتۆر ئەحمەد پاڵانی، سەرۆکی لقی هەولێری سەندیکای پزیشکانی ددان لە بووڵتەنی تەندروستیدا رایگەیاند، گرنگە پێش هەر نەشتەرگەری و کردەیەکی جوانکاری و چارەسەرییەکی ددان، پشکنینە ڤایرۆسییەکان بۆ چارەخواز بکرێن.
دکتۆر ئەحمەد پاڵانی هۆشداری دەداتە خاوەن نۆرینگەکانی ددان و دەڵێت: ''هەمیشە ئامێری یەکجار بەکارهاتوو بەکاربهێنن و لەدوای هەر چارەسەرییەکیش، کەلوپەلەکان بە ئامێری پاکژکەرەوە ''Autoclave'' پاک بکرێنەوە.
یەکێک لە رێگەکانی گواستنەوەی نەخۆشیی ئەیدز، بەکارهێنانی کەلوپەلی پیسبووە بە خوێنی کەسانی تووشبوو. هەر بۆیە دەشێت نۆرینگەکانی ددان، سەرتاشخانە و ئارایشتگەکان هۆکار بن بۆ گواستنەوەی ئەیدز و نەخۆشییە ڤایرۆسییەکانی جگەر.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ