رووداو - تەندروستی
لێکۆڵینەوەیەکی نوێ لە بەریتانیا ئاشکرای دەکات، ئەو کەسانەی لە ژینگەی سەوزاییدا دەژین، کەمتر جگەرە دەکێشن و حەزی خواردنەوەی مەییان کەم دەبێتەوە.
لێکۆڵینەوەکە لە زانکۆی ئێکستەر لە ئینگلاند لەسەر 18 هەزار و 838 کەس کرا و دەرکەوت، ئەوانەی لەنێو گەڕەکەکانیشیان سەوزایی و دار هەیە، کەمتر حەزیان بۆ جگەرەکێشان بووە.
ئەنجامەکانیش دەریانخستووە، چەند سەوزایی لە شوێنی نیشتەجێبوون نزیک بێت یاخود ماڵەکان پڕ بن لە گوڵ و دار، ئەوەندەش حەز و ئارەزووی خواردنەوەی مەی و جگەرەکێشان کەم دەبێتەوە؛ هۆکاری ئەمەش بۆ ئەوە دەگەڕێننەوە کە کەسەکان حەزیان لێبووە زیاتر سوود لە هەوای پاکی سرووشتەکە وەربگرن و چێژی لێ ببینن.
دەتەوێت واز لە جگەرە، نێرگەلە و ڤەیپێکێشان بهێنیت و نازانیت چۆن؟ زۆر ئاسانە و ئێستا لە کلینیکی ئەنتیتۆباکۆ ناوی خۆت تۆمار بکە و لەژێر رێنوێنیی پزیشکی پسپۆڕ واز لە تووتن بهێنە.