پسپۆڕێک هۆشداری لە بەکارهێنانی فلاجیل بۆ منداڵان دەدات؛ 'زیانی مەترسیداری هەیە'

 

د. سەروەر محەممەد شێخانی، پسپۆڕی نەخۆشییەکانی منداڵان بە رووداوی راگەیاند، فلاجیل ناوی دەرمانێکی باوی دژەبەکتریایەکە کە دایک و باوکان زۆرجار لەکاتی سکچوونی منداڵەکەیاندا، دەیدەن بە منداڵ، ئەمەش مەترسیی لەسەر ژیانیان دروست دەکات. 

 

بەپێی ئەو پسپۆڕە، هیچ دەرمانێکی دژەبەکتریا نابێت بەبێ راوێژی پزیشكی شارەزا بدرێت بە منداڵ. {لەبەر ئەم مەترسییە}.

 

 

 

د. سەروەر شێخانی: هەر منداڵێک زیاتر لە 3 جار لە رۆژێکدا پیسایی کرد، واتا تووشی سکچوون بووە؛ بەڵام هەندێکجار منداڵی تازەلەدایکبوو راستەوخۆ لەدوای خواردنی شیر خۆی پیس دەکات، ئەمە بە سکچوون دانانرێت و ئاساییە، لەگەڵ تێپەڕبوونی تەمەن چاک دەبێت. سکچوونی مەترسیدار زیاتر لە 10 جارە لە رۆژێکدا کە وشکبوونەوەی زیاترە و رشانەوەشی لەگەڵدایە.

 

 

د. سەروەر شێخانی: ئەمانە نیشانەکانی وشکبوونەوەی جەستەی منداڵن و پێویستە راستەوخۆ ببرێتە نەخۆشخانە؛

 

- بێهێزی

- نووزانەوە و گریان

- لەهۆشخۆچوون

- قووڵبوونی چاوەکان

- نەمانی فرمێسک لەکاتی گریان

- وشکبوونی زمان و کەمبوونەوەی لیک

- کەمیی میز یان تۆخبوونی رەنگی میز

 

 

د. سەروەر شێخانی: پێویستە ئەمانە جێبەجێبکرێن؛

 

- زۆرپێدانی شۆربا و شلەمەنی.

- خواردنەوەی ئاو.

- نابێت شیرپێدان بە منداڵ رابگیرێت، لەکاتی سکچوون.

- خواردنەوە گازییەکان، چا و قاوە نەدرێن بە منداڵ.

- نابێت راستەوخۆ منداڵ دەنکۆڵەی فلاجیلی پێبدرێت، چونکە زۆرینەی سکچوون و رشانەوەکان ڤایرۆسین و بە فلاجیل چارەسەر نابن.

- باشترە ژیناوی مادە خۆراکییەکان بەبێ دژەبەکتریا لە نۆرینگە لاکۆڵانەکان وەربگیرێت.

 

 

د. سەروەر شێخانی: هەرگیز رێنوێنیی خەڵک ناکەین سماقاو بۆ وەستانی سکچوونی منداڵ بەکاربهێنن، چونکە دەشێت بەهێز بێت و زیان بە گەدەی بگەیێنێت.

 

 

د. سەروەر شێخانی: لە هەموو ماوەیەکدا هەیە، بەڵام لە گەرمادا بەهۆی بڵاوبوونەوەی ڤایرۆسێکەوەیە کە دەبێتە هۆی سکچوون و رشانەوە، زیاتر ئەگەری وشکبوونەوەی جەستە زیاد دەکات، هەروەها بەهۆی تێکچوون و ژەهراویبوون بە خۆراکیشەوە لەبەر گەرما، زۆرجار روودەدات.

 

 

د. سەروەر شێخانی: ئەگەر تووشبووی سکچوونەکە لە شوێنێک بوو کە کەسانی دیکەش تووشی سکچوون بووبوون، یاخود تووشبووەکە ئەم نیشانانەی هەبوو وەکو 'سکچوونێکی زۆر شل کە هاوشێوەی ئاوی برنج وایە، رشانەوە هەیە و ئازاری قاچ و ئەژنۆکان و بێهێزی و لاوازی' ئەوا دەشێت بە ئەگەرێکی زۆرەوە تووشی کۆلێرا بووبێت.

 

 

د. سەروەر شێخانی: زۆرجار دوای خواردنی خۆراکێکی ماوە، یان خواردنی خۆراکی دەرەوە و سەردانەپۆشراو تووش دەبین، زۆرجاریش ئازاری نێوەڕاستی سکی دەبێت و لەگەڵ پیساییکردندا ئازاری دەبێت هەندێکجاریش رشانەوەی لەگەڵدایە.

 

 

د. سەروەر شێخانی: منداڵ سکچوون و رشانەوەی هەبوو، نابێت ئاو و شلەمەنی لەسەر رابگیرێت، بەڵام ئەگەر هەر خۆراکێکی خوارد و رشایەوە، پێویستە ببردرێت بۆ نەخۆشخانە و دەرمانی پێبدرێت.