لە خەلیفان کارگەیەک بە دوو درۆن کرایە ئامانج؛ "60 هەزار دۆلار زیانمان کردووە"

 

هێرشەکە لە گوندی رماوێژ لە دۆڵی مەلەکانی قەزای خەلیفانی سەر بە ئیدارەی سەربەخۆی سۆران بووە. 

 

بورهان بلەیی، خاوەنی کارگەکە بە تۆڕی میدیایی رووداوی راگەیاند، درەنگانی دوێنێ شەو کارگەکەیان بە دوو درۆن کراوەتە ئامانج و بەتەواوی وێران بووە.

 

لەبارەی قەبارەی زیانەکانەوە، بورهان بلەیی گوتی: "هەموو کارگەکەمان بەسەریەکدا رووخاوە و زیانەکانمان بە زیاتر لە 60 هەزار دۆلار دەخەمڵێندرێت."

 

تاوەکو ئێستا هیچ لایەنێک بەرپرسیارێتیی خۆی لە هێرشەکە رانەگەیاندووە و زیانی گیانی لێنەکەوتووەتەوە.