نێچیرڤان بارزانی پیرۆزبایی 'جەژنی چلەی هاوین' لە کوردانی ئێزدی دەکات

نێچیرڤان بارزانی، سەرۆکی هەرێمی کوردستان لە پەیامەکەیدا بەو بۆنەیەوە نووسیویەتی، "جەژنی چلەی هاوین بە گەرمی و لە دڵەوە لە هەموو هاووڵاتییە ئێزدییەکانمان لە کوردستان و عێراق و لە هەر شوێنێکی جیهان پیرۆز دەکەم، هیوای جەژنێکی ئارام و ئاسوودە بۆ هەموویان دەخوازم."

سەرۆکی هەرێمی کوردستان کوردانی ئێزدی دڵنیا دەکاتەوە، "وەکو هەمیشە پشتیوان و پارێزەری مافەکانیان دەبین، کوردستان هەر بە وڵاتی پێکەوەژیان بۆ هەموو پێکهاتەکانی دەمێنێتەوە."

جەژنی چلەی هاوین یەکێک لە جەژنە سەرەکییەکانی کوردانی ئێزدی و ساڵانە لە 2ی ئاب بە رێوڕەسمی جیاواز لە پەرستگەی لالش بەڕێوەدەچێت.

ئێزدیان بە مەبەستی بەشداریکردن لەو جەژنەدا، لە ناوخۆ و دەرەوەی وڵات سەردانی باشووری کوردستان دەکەن.

جەژنی چلەی هاوین بە گەرمی و لە دڵەوە لە هەموو هاووڵاتییە ئێزدییەکانمان لە کوردستان و عێراق و لە هەر شوێنێکی جیهان پیرۆز دەکەم، هیوای جەژنێکی ئارام و ئاسوودە بۆ هەموویان دەخوازم.

دووبارە هەموو خوشک و برا ئێزدییەکانمان دڵنیا دەکەمەوە کە وەکو هەمیشە پشتیوان و پارێزەری مافەکانیان دەبین و کوردستان هەر بە وڵاتی پێکەوەژیان بۆ هەموو پێکهاتەکانی دەمێنێتەوە.

جەژنی هەموولایەک پیرۆز بێت، هەموو ساڵێک بە خێر و خۆشی.

نێچیرڤان بارزانی

سەرۆکی هەرێمی کوردستان