هەڵەیەک روویدا! دووبارە هەوڵبدە
رووداو دیجیتاڵ
بەرپرسانی شاری مەریوان لە رۆژهەڵاتی کوردستان ئەو دەنگۆیانە رەتدەکەنەوە کە باس لە چۆڵکردنی چەند گەڕەکێکی شارەکە دەکەن و دەڵێن، شارەکە لە ئاسایشی تەواودایە و هێزەکان سنوورەکانیان کۆنترۆڵ کردووە.
ئاژانسی تەسنیمی ئێرانی بڵاویکردەوە، "لە درێژەی ئەو شەڕە دەروونییەی لەبارەی چۆڵکردنی شارە سنوورییەکان دەکرێت، دەنگۆی چۆڵکردنی چەند گەڕەکێکی مەریوان لەلایەن نەیارەکانەوە بڵاوکراوەتەوە."
بەرپرسانی قایمقامیەتی مەریوان لە لێدوانێکدا بۆ ئەو ئاژانسە ئێرانییە رایانگەیاندووە، "ئەو باسە دوورە لە راستییەوە و هیچ بڕیارێک بۆ چۆڵکردنی گەڕەکەکانی مەریوان نەدراوە." هەروەها بەرپرسانی شارەکە جەختیان لەوەش کردووەتەوە کە شارەکە لە ئاسایشی تەواودایە و هێزە چەکدارەکانیش بە باشی ئاسایشی سنوورەکانیان پاراستووە.
ئەم هەواڵەی ئاژانسی تەسنیم دوای ئەوە هات، هەندێ هەواڵ بڵاوبوونەوە کە گوایە "بەرپرسانی سوپا داوایان لە دانیشتوانی مەریوان کردووە ئەو شارە چۆڵ بکەن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ