کوردستان
بە پشتبەستن بە بڕیاری کۆمیسیۆن لە 2ـی حوزەیرانی 2024 هەڵبژاردن لە ئەردەخان دووبارە دەکرێتەوە.
رووداو دیجیتاڵ
لە پارێزگای ئەردەخانی باکووری کوردستان کە بەربژێری جەهەپە سەرکەوتنی بەدەستهێنا، لەسەر تانەی ئاکپارتی ئەنجامی هەڵبژاردنی شارەوانیی پارێزگاکە هەڵوەشایەوە.
بەپێی ئەنجامە بەراییەکان لە ناوەندی شاری ئەردەخان، فارووق دەمیر، بەربژێری پارتی گەلی کۆماری - جەهەپە کە ئێستا سەرۆکی شارەوانییە، پێنج هەزار و 49 دەنگی بەدەستهێناوە و یونس بایدار، بەربژێری پارتی داد و گەشەپێدان - ئاکپارتی چوار هەزار و 875 دەنگی بەدەستهێناوە، جیاوازییەکە تەنیا 174 دەنگە.
یونس بایدار بەربژێری ئاکپارتی بە پاساوی نادادپەروەریی هەڵبژاردن، ناڕەزایەتی دەربڕی و تانەی لە ئەنجامی هەڵبژاردنەکە دا.
کۆمیسیۆن تانەی بەربژێرەکەی ئاکپارتی پەسندکرد و بڕیاری دا هەڵبژارنەکە دووبارە بکرێتەوە.
بە پشتبەستن بە بڕیاری کۆمیسیۆن لە 2ـی حوزەیرانی 2024 هەڵبژاردن لە ئەردەخان دووبارە دەکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ