رووداو دیجیتاڵ
دژەتیرۆری هەرێمی کوردستان دەڵێت، ئەو درۆنەی بە ماڵی هاونیشتمانییەک کەوت لە گوندی زەرگەزەوی، لە ئێرانەوە ئاراستە کرابوو.
دەقی راگەیێندراوی دژەتیرۆر:
لە هێرشە درۆنییەکانی ئەمشەوی سەر هەولێر دوو هاونیشتمانی شەهید بوون
بە گوێرەی زانیارییەکانی دژەتیرۆری کوردستان، شەوی سێشەممە 7ی نیسانی 2026، کاتژمێر 00:15، درۆنێکی بۆمبڕێژکراو کە لە ئێرانەوە ئاراستە کرابوو، بەر خانووی هاونیشتمانییەک لە گوندی زەرگەزەویی سەر بە ناحیەی دارەشەکران لە سنووری پارێزگای هەولێر کەوت، بەداخەوە لە ئەنجامدا دوو هاوسەر بە ناوەکانی (مووسا ئەنوەر رەسووڵ و مژدە ئەسعەد حەسەن) شەهید بوون.
ئەم هێرشانە پێشێلکردنی یاسا نێودەوڵەتییەکان و تاوانی جەنگییە و بە تووندترین شێوە سەرکۆنەی دەکەین.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ