لە چوارقوڕنە کەسێک بەهۆی سووتانی بگۆڕی کارەبا گیانی لەدەستدا
رووداو دیجیتاڵ
لە ناحیەی چوارقوڕنە، بەهۆی سووتانی بگۆڕی کارەبا (محاویلە)، کەسێک گیانی لەدەستدا. گوتەبێژی بەرگریی شارستانیی راپەڕینیش دەڵێت، تائێستا هۆکاری سووتانی بگۆڕەکە روون نییە.
رۆژی هەینی 06-10-2023 هاونیشتمانییەک بەناوی سلێمان حەسەن، تەمەن 51 ساڵان، لە سەربانی ماڵەکەی لە گەڕەکی "کۆڵێن سیتی"ـی ناحیەی چوارقوڕنەی سەر بە قەزای رانیە، بەهۆی شۆرتی کارەبا و سووتانی بگۆڕی کارەبا گیانی لەدەستدا.
عەلی قادر، گوتەبێژی بەرگریی شارستانیی راپەڕین لەوبارەوە بە ئەبوبەکر ئیسماعیل، پەیامنێری تۆڕی میدیایی رووداوی گوت، "تیمەکانی بەرگریی شارستانی لە ئاگرکەوتنەوەیەک لەو شوێنە ئاگادار کراونەتەوە، بەڵام بەداخەوە کە هاتین، کەسێکیش بەهۆی شۆرتی کارەباوە بەشێکی جەستەی سووتابوو و گیانی لەدەستدابوو."