تەرمی سێ منداڵی رۆژئاوای کوردستان دەگەڕێندرێنەوە دربێسی

رووداو - هەولێر

تەرمی سێ منداڵە خنکاوەکەی رۆژئاوای کوردستان دەگەڕێنرێنەوە دربێسی، کە لە رووباری نیوان باکوور و باشووری کوردستان خنکان.
 
سێ لە خنکاوەکان، ئەندامی یەک خانەوادەن و دوو خوشک و برایەکن، تەمەنیان 3 ساڵ، 9 ساڵ و 12 ساڵ بووە، تەرمی یەکێکیشیان کە ئەویش منداڵە و لە خانەوادەیەکی دیکەیە، تاوەکو ئێستا نەدۆزراوەتەوە.

بڕیارە رۆژی دووشەممە 8-4-2017، تەرمی هەر سێکیان لە دربێسی بە خاک بسپێردرێن، تەرمی یەکێک لە منداڵەکان لە ناو رووبارەکە جێماوە و نەتوانراوە دەربهێنرێت

رووباری ماوان لەنێوان باشوور و باکووری کوردستان، لە سنووری شارۆچکەی پیرانی سەر بە قەزای مێرگەسۆر هەڵکەوتووە، ئەمە یەکەمجاریش نییە رووداوی لەمشێوەیەی لێ رووبدات. 

داڕشتنەوە؛ راوچی حەسەن 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger