سۆران عومەر، پەرلەمانتاری کۆمەڵی ئیسلامی لە پەرلەمانی کوردستان لەبارەی هەڵگرتنی پارێزبەندی لەسەری رایگەیاند، ئەوەی روویدا تەنیا بەرامبەر پەرلەمانتاری حیزبێک نییە، بەڵکو بەرامبەر سەرۆکی پەرلەمانی کوردستان، فراکسیۆنی یەکێتیی نیشتمانیی کوردستان، فراکسیۆنی بزووتنەوەی گۆڕان، فراکسیۆنی یەکگرتووی ئیسلامی، فراکسیۆنی نەوەی نوێ و پەرلەمانتارە سەربەخۆکان بوو.

 

پەرلەمانتارەکەی کۆمەڵ سوپاسی سەرۆکی پەرلەمان، فراکسیۆنی یەکێتی، گۆڕان، یەکگرتوو، نەوەی نوێ، ئازادی و سێ پەرلەمانتاری سەربەخۆی کرد کە هەوڵیانداوە پارێزبەندی لەسەری هەڵنەگیرێت.

 

 

عەبدولستار مەجید، سەرۆکی فراکسیۆنی کۆمەڵی ئیسلامی کوردستان لە کۆنگرەیەکی رۆژنامەڤانیدا ئاماژەی بەوە کرد، لەگەڵ هەڵگرتنی پارێزبەندی سەر پەرلەمنتاران نین، چونکە پێیانوایە ئەوە شکاندنی شکۆ و هەیبەتی پەرلەمان و پەرلەمانتارانە، "بێدەنگکردن و کپکردنی دەنگی پەرلەمانتارە کە ئەویش بەلای خۆیەوە دەنگی گەل و خەڵکی هەرێمی کوردستانە".

 

عەبدولستار مەجید دەڵێت، "ئەگەر پەرلەمانتار باسی گەندەڵی و ستەم و کوشتنی بە ناحەق و دز نەکات، ئەی کێ باسی بکات؟ بۆیە پێمانوایە ئەمە پرۆسەیەکی خراپە و هەرێمی کوردستان بەرەو ئاقارێکی زۆر سامناک دەبات".

 

سەرۆکی فراکسیۆنی کۆمەڵی ئیسلامی ئەوەشی گوت "ئەم رووداوە بە پێشهاتێکی زۆر خراپ دەزانین، پێشمانوایە ئەوەی ئەمڕۆ روویدا خراپترە لە 19ـی ئاب، لێکەوتەکانیشی لە چەند ساڵی داهاتوودا دەبینین کە ئەو هەرێمی کوردستانە بەرەو کوێ دەبات". 

 

 

 

هێمن هەورامی، جێگری سەرۆکی پەرلەمانی کوردستان لە کۆنگرەیەکی رۆژنامەڤانیدا رایگەیاند، هەڵگرتنی پارێزبەندی لەسەر سۆران عومەر بەتەنها پەیوەندی نییە بە سکاڵای سەرۆکوەزیرانی هەرێمی کوردستان، "چەندین کەیسی دیکە بوون کە دادگاکان نووسراویان بۆ پەرلەمان کردووە و هەموویمان لایە". 

 

 

لە کۆبوونەوەی پەرلەمانی کوردستان کە 58 ئەندام پەرلەمان لە فراکسیۆنەکانی، پارتى، رافيدين، گەشەپێدانی تورکمان، چاکسازیی تورکمان، گەلی کلدانی سریانیی ئاشووری، ئەرمەن، لیستی میللەت، بەرەی تورکمانی و پەرلەمانتار شادی نەوزاد ئامادەی بوون، سێ ئەندام پەرلەمان دەنگیان بە هەڵگرتنی پارێزبەندی لەسەر ئومێد خۆشناو دا.

 

 

لە کۆبوونەوەی پەرلەمانی کوردستان کە 58 ئەندام پەرلەمان لە فراکسیۆنەکانی، پارتى، رافيدين، گەشەپێدانی تورکمان، چاکسازیی تورکمان، گەلی کلدانی سریانیی ئاشووری، ئەرمەن، لیستی میللەت، بەرەی تورکمانی و پەرلەمانتار شادی نەوزاد ئامادەی بوون، چوار ئەندام پەرلەمان دەنگیان بە هەڵگرتنی پارێزبەندی لەسەر عەلی حەمە ساڵح و شیرین ئەمین دا.

 

 

لەکۆی 58 پەرلەمانتاری بەشداربوو لە کۆبوونەوەکەی ئەمڕۆی پەرلەمانی کوردستان 57 پەرلەمانتاریان دەنگیان بە هەڵگرتنی پارێزبەندی لەسەر سۆران عومەر دا و پارێزبەندی لەسەر هەڵگیرا.

 

هێمن هەورامی، جێگری سەرۆکی پەرلەمانی کوردستان لە کۆنگرەیەکی رۆژنامەڤانیدا رایگەیاند، هەڵگرتنی پارێزبەندی لەسەر سۆران عومەر بەتەنها پەیوەندی نییە بە سکاڵای سەرۆکوەزیرانی هەرێمی کوردستان، "چەندین کەیسی دیکە بوون کە دادگاکان نووسراویان بۆ پەرلەمان کردووە و هەموویمان لایە".

 

کۆبوونەوەی پەرلەمانی کوردستان بۆ هەڵگرتنی پارێزبەندیی چوار پەرلەمانتار بە بەشداری 58 پەرلەمانتار دەستیپێکرد و فراکسیۆنی گۆڕان و یەکێتی بایکۆتی دانیشتنی پەرلەمانیان کرد.
عەلی حەمە ساڵح، سەرۆکی فراکسیۆنی گۆڕان لە کۆنگرەیەکی رۆژنامەڤانیدا رایگەیاند، بایکۆتی دانیشتنی ئەمڕۆی پەرلەمانی کوردستان دەکەن بۆ دەنگدان بۆ هەڵگرتنی پارێزبەندیی سەر چوار پەرلەمانتار. 

 

عەلی حەمە ساڵح ئاماژەی بەوە کرد، "ئەم بابەت لای ئێمە لە فراکسیۆنی گۆڕان چەند رەهەندێکی هەیە، یەکەمیان وەکو پرەنسیپ ئێمە باوەڕمان بە هەڵگرتنی پارێزبەندی نییە لەسەر هیچ پەرلەمانتارێک و ئەمە پەیامێکی سیاسی تێدایە". 
د. رێواز فایەق، سەرۆکی پەرلەمانی کوردستان لە روونکردنەوەیەکدا دەڵێت، "لە روانگەی باوەڕبوونمان بە پرەنسیپی سازان و پاراستنی یەکڕیزی فراکسیۆنە جیاوازەکانی پەرلەمانی کوردستان و لەبەرچاوگرتنی بارودۆخی ئێستای هەرێمی کوردستان و باوەڕبوونمان بە ئاخاوتن و رادەربڕینی پەرلەمانتار، بەرنامەی کارمان واژۆ نەکرد و بڕیارماندا سەرۆکایەتیی دانیشتنی 4ـی ئاسایی خولی بەهارەی ساڵی دووەم لە خولی پێنجەم نەکەین". 

 

فراکسیۆنی یەکێتیی نیشتمانیی کوردستانیش لە پەرلەمانی کوردستان لە کۆنگرەیەکی رۆژنامەڤانیدا ئاماژەیان بەوە کرد، "لە سۆنگەی هەستکردنمان بە بەرپرسیارێتیی نیشتمانیی و رێزگرتن لە سەرجەم هێزەکانی ناو پەرلەمانی کوردستان و رێزگرتن لە ئازادیی رادەربڕین، بڕیارماندا بایکۆتی دانیشتنی پەرلەمان بکەین".

 

فراکسیۆنی یەکێتیی نیشتمانیی کوردستان لە پەرلەمانی کوردستان لە کۆنگرەیەکی رۆژنامەڤانیدا ئاماژەیان بەوە کرد، "لە سۆنگەی هەستکردنمان بە بەرپرسیارێتیی نیشتمانیی و رێزگرتن لە سەرجەم هێزەکانی ناو پەرلەمانی کوردستان و رێزگرتن لە ئازادیی رادەربڕین، بڕیارماندا بایکۆتی دانیشتنی پەرلەمان بکەین".