سەرۆکایەتیی هەرێمی کوردستان سەرکۆنەی هێرشەکەی ئیسرائیل بۆ سەر دەوحە دەکات

 

 

سەرۆکایەتیی هەرێمی کوردستان دەشڵێت، "به‌ ته‌واوى پشتيوانى قه‌ته‌رين‌ و داوا له‌ كۆمه‌ڵگه‌ى نێوده‌وڵه‌تى ده‌كه‌ين هه‌موو هه‌وڵێک بدات بۆ رێگرى له‌و كارانه و‌‌ گێڕانه‌وه‌ى ئاشتى و ئارامى بۆ ناوچه‌كه‌".

 

لە راگەیێندراوەکەدا هاتووە: "سه‌ركۆنه‌ى هێرشى ئه‌مڕۆى ئيسرائيل بۆ سه‌ر ده‌وحه‌ ده‌كه‌ين كه‌ ئاسايش و سه‌قامگيريى ناوچه‌كه‌ ده‌خاته‌ مه‌ترسييه‌وه‌. به‌ ته‌واوى پشتيوانى قه‌ته‌رين‌ و داوا له‌ كۆمه‌ڵگه‌ى نێوده‌وڵه‌تى ده‌كه‌ين هه‌موو هه‌وڵێک بدات بۆ رێگرى له‌و كارانه و‌‌ گێڕانه‌وه‌ى ئاشتى و ئارامى بۆ ناوچه‌كه‌".

 

ئێوارەی ئەمڕۆ ئیسرائیل شاندی دانوستاندنکاری حەماسی لە دەوحەی قەتەر کردە ئامانج. حەماس دوای هێرشەکە رایگەیاند، سەرکردەکانی لەو "هەوڵەی دووژمن" رزگاریان بووە و هێرشەکە شکستی هێناوە، بەڵام گوتی، لە هێرشەکەدا 6 کەس کوژراون.

 

وڵاتانی ئەندام لە کۆمکاری عەرەبی سەرکۆنەی ئەو هێرشەی ئیسرائیلیان بۆ سەر دەوحە کرد. 

 

بنیامین نەتەنیاهوو، سەرۆکوەزیرانی ئیسرائیل هۆشداری دا لەوەی سەرکردەکانی حەماس لەهەر شوێنێک بن پارێزبەندییان نییە و گوتی: "ئەو رۆژانە بەسەرچوون سەرکردەکانی تیرۆر لە شوێنێکی دیاریکراودا پارێزبەندییان هەبێت."