رووداو دیجیتاڵ
عەزیز وەیسی، فەرماندەی فەرماندەیی پێشمەرگەی زێرەڤانی لە بنکەیەکی دەنگدانەوە رایگەیاند، "گرنگە پێشمەرگە ئارامی و رێکخستنی خۆی تێکنەدات، وەکو هەموو جارێک بەشێوازێکی رێکوپێک بچنە سەر سندووقی دەنگدان."
عەزیز وەیسی هەڵبژاردنی پەرلەمانی بە "مێژوویی" وەسف کرد و گوتی، "ئەمڕۆ لە مێژووی عێراق و بۆ هەرێمیش گرنگە، پێشمەرگە لەو ئاستەدان کە لەمە تێبگەن، ئێمەش دەنگ دەدەین تاوەکو مافەکانی پێشمەرگە بچەسپێن."
فەرماندەی فەرماندەیی پێشمەرگەی زێرەڤانی ئاماژەی بەوە کرد، "چاوەڕێ دەبین لە رۆژی دەنگدانی گشتیشدا، وەکو پێشمەرگە ئەوانیش بە گڕوتینەوە بچنە سەر سندووقی دەنگدان، رۆژێکی مێژووییە و لەو بڕوایەدام دەبێتە وەچەرخانێک لە مێژووی عێراقدا، چونکە ئاڵنگارییەکان زۆرن."
لیوا عەزیز وەیسی لەگەڵ پێشمەرگەکانی دیکە نۆرەی گرتووە بۆ دەنگدانی تایبەت و دەڵێت: رۆژێکی مێژووییە و دەبێتە وەرچەرخانێک بۆ مێژووی عێراق. pic.twitter.com/U2Tn0r7gKc
— Rudaw (@Rudawkurdish) November 9, 2025
گوتیشی، "هێزەکانی پێشمەرگە لە هێڵی سێیەمی بازنەی ئەمنیدا دەبن، بۆ هەر حاڵەتێکی نەخوازراو دەستوەردان دەکەین، بەڵام تاوەکو ئێستا هیچ کێشەیەک رووینەداوە."
ئەمڕۆ دەنگدانی تایبەت بۆ هەڵبژاردنی پەرلەمانی عێراق بەڕێوەدەچێت. پەرلەمانی عێراق لە 329 کورسی پێکدێت و زیاتر لە 7,000 بەربژێر رکابەری لەسەر کورسییەکانی پەرلەمان دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ