.....
رووداو - هەولێر
هێزەكانی سووریای دیموكرات لە منبج نزیكبوونەتەوە و دەتوانن شارەكە بە ئاساانی ببینن، هاوكات چەكدارانی ئەو هێزە چاوەڕوانی فەرمانی هێرشی سەر شارەكەن.
پێشڕەوی هێزەكانی سووریای دیموکرات لە دەوروبەری منبج بەردەوامە و ئێستا ئەو هێزە شارەکەیان گەمارۆداوە و ناوەندی شارەکەش بەچاو لەهێزەکەوە دیارە.
چەکدارانی داعش بۆ خۆزدزینەوە لەهێرشی فڕۆکەکان دەستیان کردووە بەئاگرکردنەوە لەنێو منبج و ئاسمانی شارەکەیان بەدووکەڵی رەش داپۆشیوە.
شەڕڤانانی هێزی سووریای دیموکرات، کە تاوەكو ئێستا 70 گوندیان کۆنترۆڵکردووەتەوە، ئێستا چاوەڕوانی فەرمانن بۆ دەستپێکردنی هێرشی ناوەندی شارەکە.
خەڵکی گوند و ناوچەکانی دەوروبەری منبجیش خۆشحاڵن بە رزگاربوون لەدەستی داعش و باسی تاوان و کردەوەکانی داعش بەرامبەریان دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ