رووداو دیجیتاڵ
ئەمڕۆ هاونیشتمانییەک لە قەزای قوشتەپە لە پارێزگای هەولێر کوژرا. بەگوێرەی زانیارییەکانی رووداو، ئەوەی ئەمڕۆ کوژراوە پێشتر بە ئۆتۆمبێل لە کوڕی تۆمەتباری کوشتنەکەی داوە و دواتر ئاشتەواییان کردووە.
ئەمڕۆ سێشەممە، بەرپرسێک لە قەزای قوشتەپە بە تۆڕی میدیایی رووداوی گوت: "ئەو کەسەی ئەمڕۆ کوژرا ناوی ئاوارە ناسیحە؛ دوو ساڵ لەمەوبەر بە ئۆتۆمبێل لە کوڕی تۆمەتباری کوشتنەکەی ئەمڕۆی دابوو بەهۆیەوە گیانی لەدەستدابوو".
دوای ئەوەی دوو ساڵ لەمەوبەر ئاوارە ناسیح بە ئۆتۆمبێل لە منداڵێکی داوە و دوای گەیاندنی بە نەخۆشخانە گیانی لەدەستداوە، دواتر ئاشتەواییان کردووە و ئاوارە دوای چەند مانگێک لە زیندان ئازاد کراوە.
بەگوێرەی بەرپرسانی قوشتەپە بۆ رووداو، ئەمڕۆ باوکی منداڵەکە چووە هەر لە قوشتەپەدا تۆمەتباری گیانلەدەستدانی کوڕەکەی بە گولـلە کوشتووە.
رووداو زانیویەتی، دوای رووداوەکە، تۆمەتباری کوشتنەکە خۆی رادەستی پۆلیس کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ