هەفتەی داهاتوو یەکێتی سەردانی بۆ لای حیزبە سیاسییەکان دەستپێدەکات

 رووداو - سلێمانی
 
مانگێكی تەواو بەسەر تێكچوونی پەیوەندییەكانی نێوان پارتی دیموكراتی كوردستان و بزووتنەوەی گۆڕان لەنێو حكومەت و پەرلەمان تێپەڕی، یەكێتی نیشتمانی كوردستان كەزۆر كەس بۆ ئاسایكردنەوەی ئەو دۆخە  پێیوابوو حیزبی یەكلاكەرەوەیە، بۆ گەشتێكی سیاسی خۆی ئامادەكردووە و بڕیارە سەرەتای هەفتەی داهاتوو دەستی پێبكات.

 ئەندامێکی دەستەی كارگێڕیی مەكتەبی سیاسی یەكێـتی دەڵێت چەپڵە بەدەستێك لێنادرێ.

قادر حەمەجان، ئەندامی دەستەی كارگێڕی مەكتەبی سیاسی یەكێتی ئاماژە بەوە دەکات: " ئێمە وەكو یەكێتی بەرنامەمان هەیە لەگەڵ هەر پێنج پارتەكە و دواتریش لەگەڵ پارتی و گۆڕان كۆدەبینەوە، ئەوەی پێمان بكرێت دەیكەین، چونكە هەموومان دەزانین بۆ ئەو كێشانە دەبێت دواجار بگەڕێینەوە بۆ كۆبوونەوە و دانووسان"

دوای چەندین لێدوان و هەڵوێسی توند، هەفتەی رابردوو هەفتەی قسەی خێری پارتی و گۆڕان بوو، کاردۆ محەممەد كە لەخوولی پێشوودا پەرلەمانتاری بزووتنەوەی گۆڕان بوو، بۆ چارەسەركردنی یەكجاری تەواوی پرسە كێشەلەسەرەكان پڕۆژەیەكی ئاڕاستەی بزووتنەوەكەی كردووە.

پڕۆژەكە پێكهێنانی ئەنجوومەنێكە بەناوی ئەنجوومەنی دانایان و لە هەر  پارێزگایەک 3كەس بەهەڵبژاردن دەبنە ئەندام تێیدا، دوو ئەندامیش لە مەسیحی و توركمانەكان و 5 كەسایەتی 5پارتەكەش بەبێ هەڵبژاردن  دەبنە ئەندام.

كاردۆ محەممەد،  پەرلەمانتاری بزووتنەوەی گۆڕان لەخوولی پێشووی پەرلەمان دەڵێت " كارەكانی ئەم ئەنجوومەنە زیاتر بۆ هاوكاری پەرلەمانە لەپرسی دەستوور و سیاسەتی گشتی و پەیوەندییەكانی ناوەوە و دەرەوە و ئاسایشی نیشتمانی. كە ئەمانە دەبنە پاڵیشت بۆ پەرلەمان".

 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger