وەزارەتی کارەبا دەڵێت چاکسازی لە تۆڕی کارەبای وێستگەی ئەزمڕ دەکەن

 

وەارەتی کارەبا رۆژی یەکشەممە لە راگەیێندراوێکدا رایگەیاند، چالاکییەکە لە ئەمڕۆ 12ـی تشرینی یەکەم دەستپێدەکات و بۆ ماوەی پێنج رۆژ بەردەوام دەبێت.

 

بەگوێرەی راگەیێندراوەکە، کارکردنەکە لەنێوان 8ـی بەیانی تاوەکو 5ـی ئێوارە دەبێت و ئەم ناوچانە دەگرێتەوە: کازیوە، ئیبراهیم ئەحمەد، ئازادی، شەهیدان، گۆیژەی نوێ، دارۆغە، هەواری شار، کەڵەکن و سارداو.

 

وەزارەتی کارەبا دەڵێت، لە نزیکەوە لەگەڵ کۆمپانیای دانا گاز و هەموو لایەنە پەیوەندیدارەکان لەسەر هێڵە بۆ دڵنیابوونەوە لەوەی ئەم پڕۆسەیە کەمترین کاریگەری لەسەر ژیانی رۆژانەی هاووڵاتییان دەبێت.