هەڵەیەک روویدا! دووبارە هەوڵبدە
ئەو دوو برایەی لە قەندیل هەڵدێراون
رووداو دیجیتاڵ
دوو برا لە بناری قەندیل بوونە قوربانی دەستی هێزەکانی سوپای پاسدارانی ئێران. سەرباز ئیبراهیم تەمەنی 38 ساڵە و چوار منداڵی دوای خۆی جێهێشتن؛ کامەرانی برایشی چوار ساڵ بچووکترە، ئەویشیان چوار منداڵی هەن و بچووکەکەیان 10 رۆژە لەدایکبووە.
درەنگانی شەوی رابردوو بە مەبەستی هێنانی مەڕ و ماڵات ئەو دوو برایە چوونەتە ناوچەی سنووری گۆڕ تێسووی بناری قەندیلی سەنگەسەر. پاسدار دەیاندەنە بەر دەستڕێژی گولـلە و کامەران لە شاخ هەڵدەدێردرێت و سەربازی براشی بۆ هێنانەوەی تەرمەکەی خۆی دەکاتە قوربانی.
محەممەد عەبدوڵڵا، کەسوکاری قوربانییەکانە و دەڵێت: هێزەکانی ئێران تەقەیان لێکردوون لە ئاکامدا ئەوانە هەڵاتوون، کامەران هەڵدێراوە دوایش سەرباز بەدوایدا دەچێت، بەداخەوە ئەویش هەڵدەدێرێت. سێ کەس بوون ئەوەی دیکە تەلەفۆنی کرد و گوتی، هەردووکیان هەڵدێراون و پێ دەچێت هیچ کامیان نەمابن.
گۆڕ تێسوو دوو تاوەکو سێ کیلۆمەتر لە قەڵا سەربازییەکانی ئێران دوورە، دوو براکە نزیکەی 150 سەرمەڕیان پێبووە و پاسدار دەستی بەسەردا گرتوون. دادپزیشکی پشتڕاستیکردەوە کە گولـلەیان بەرکەوتووە و لە شاخ هەڵدێراون.
ئەمساڵ لە نێوان پشدەر و سەردەشت، ئەمە رووداوی سێیەمە کە بەهۆیەوە چوار کەس گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ