کوردستان
رەجەب تەیب ئەردۆغان و مەسرور بارزانی لە کۆبوونەوەیەکیاندا لە ئەنقەرە، رۆژی 20ـی حوزەیرانی 2023
رووداو دیجیتاڵ
بەگوێرەی زانیارییەکانی شەوکەت هەرکی، پەیامنێری رووداو لە ئەنقەرە، ئەمڕۆ مەسرور بارزانی، سەرۆکوەزیرانی هەرێمی کوردستان و رەجەب تەیب ئەردۆغان، سەرۆککۆماری تورکیا لە دوبەی کۆدەبنەوە.
رۆژی یەکشەممە، سەرۆکی حکومەت بە بانگهێشتی تایبەتی شێخ محەممەد بن راشد ئال مەکتووم، جێگری سەرۆکی دەوڵەتی ئیمارات و سەرۆکی ئەنجوومەنی وەزیران و حاکمی میرنشینی دوبەی، سەردانی ئیماراتی عەرەبی کرد.
بەگوێرەی زانیاییەکانی سەنگەر عەبدولرەحمان، نێردراوی رووداو بۆ دوبەی، سەرۆکی حکومەتی هەرێمی کوردستان و سەرۆککۆماری تورکیا ئێوارەی ئەمڕۆ کۆدەبنەوە.
مەسرور بارزانی بەگوێرەی راگەیێندراوی حکومەت لە پەراوێزی لووتکەی جیهانیی حکومەتەکاندا، چەندین دیدار و کۆبوونەوەی لەگەڵ بەرپرسان و بیرمەندان و خاوەنکارانی عەرەبی و هەرێمی و جیهانی دەبێت .
لووتکەکە بۆ ماوەی سێ رۆژ بەردەوام دەێت و زیاتر لە 25 سەرکردەی حکومەت و سەرکردەی وڵاتان، 120 شاندی حکومی و 85 رێکخراوی نێودەوڵەتی و ناوچەیی بەشداری تێدا دەکەن و گفتوگۆ لەبارەی "داهاتووی کاری هاوبەش، گۆڕانی کەشوهەوا، دارایی، دۆزینەوەی زانستی، ژیری دەستکرد و تەکنەلۆژیا" دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ