لە رووداوێکی هاتووچۆدا لە شەقڵاوە 13 کەس بریندار بوون
رووداو دیجیتاڵ
لە نزیک تونێلی میراوە لە شەقڵاوە رووداوێکی هاتووچۆ لە نێوان دوو ئۆتۆمبێلی تایبەت روویداوە کە یەکێکیان تەکسییە، بەهۆیەوە 13 کەس بریندارن.
رووداوەکە لە نێوان تەکسییەکی نیسان سەنی و ئۆتۆمبێلێکی دیکە لە جۆری نیسان تیدا روویداوە، تیمەکانی هاتووچۆ سەرقاڵی هێڵکارین بۆ رووداوەکە و ژمارەیەک بەڵگە هەڵگیراونەتەوە.
سەرچاوەیەک لە نەخۆشخانەی شەقڵاوە بە رووداوی راگەیاند، "ژمارەیەک ئۆتۆمبێلی فریاکەوتن بەشداربوون لە گواستنەوەی بریندارەکان کە لە نێو بریندارەکان ژن و منداڵ و پیاو هەن، برینداری سەختیش هەیە، هەر لە نەخۆشخانەی شەقڵاوە چارەسەری تەواویان بۆ دەکرێ."