هەڵەیەک روویدا! دووبارە هەوڵبدە
رووداو دیجیتاڵ
لە رووداوێکی ھاتووچۆدا لە سنووری ناحیەی دارەتوو سەر بە قەزای بەردەڕەش، 8 کەس بریندار بوون و چارەسەریان بۆ دەکرێت.
نەشوان بەرزنجی، گوتەبێژی تەندروستیی بەردەڕەش بە تۆڕی میدیایی رووداوی راگەیاند، "ئەمشەو 8 بریندار گەیێندرانە نەخۆشخانەی بەردەڕەش، کە بەھۆی رووداوێکی ھاتووچۆوە بریندار بوون، کە ئەوانیش سێ پیاو، ژنێک، دوو مێرمنداڵ و دوو منداڵن."
گوتەبێژی تەندروستیی بەردەڕەش ئاماژەی بەوەش کرد، دوو لە بریندارەکان گوستراونەتەوە بۆ نەخۆشخانەکانی ھەولێر، یەکێکیش بۆ نەخۆشخانەی ئاکرێ، ئەوانی دیکە لە نەخۆشخانەی بەردەڕەش چارەسەریان وەرگرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ