راپەڕین؛ دەستبەسەر 12 کیلۆگرام کریستاڵدا گیرا و سێ بازرگان دەستگیرکران

 

رۆژی چوارشەممە، 14ـی ئایاری 2025، بەڕێوەبەرایەتیی ئاسایشی راپەڕین لە راگەیێندراوێکدا بڵاویکردەوە، لە رۆژانی 7 و 8ـی  مانگی ئایار، دوای کۆکردنەوەی زانیاری، لەسەر فەرمانی دادوەری لێکۆڵینەوەی ئاسایش، توانیان رێگری لە گواستنەوەی 12 کیلۆگرام مادەی هۆشبەر لە جۆری کریستاڵ بکەن.

 

بەگوێرەی راگەیێندراوەکەی ئاسایشی راپەڕین، ئەو بازرگانانە بەنیازبوون مادە هۆشبەرەکە بگوازنەوە بۆ شارەکانی هەرێمی کوردستان.

 

لەبارەی چارەنووسی تۆمەتبارەکانەوە، ئاسایشی راپەڕین ئاماژە بەوە دەکات: "لە ئێستادا تۆمەتباران بە بڕیاری دادوەر و بەپێی ماددەی 26 لە یاسای بەرەنگاربوونەوەی ماددە هۆشبەرەکان و کارتێکارە ئەقڵییەکان راگیراون و لێکۆڵینەوە لە دۆسییەکانیان بەردەوامە."