وێنە؛ رێوڕەسمی پاکبوونەوە لە ئاهەنگێکی هاوژینی لە...

گالەری

وێنە؛ رێوڕەسمی پاکبوونەوە لە ئاهەنگێکی هاوژینی لە شەقڵاوە

15-04-2024

14 Photos

رووداو دیجیتاڵ

بەشێک لە پەیڕەوانی سابیئەی مەندائی لە شەقڵاوە، لە ئاهەنگێکی پێکهێنانی ژیانی هاوژینیدا رێوڕەسمی پاکبوونەوەیان ئەنجامدا.

ئاهەنگەکە دوێنێ یەکشەممە، 14-4 بەڕێوەچوو. تێیدا ئەوس عیسام و رانیە رەعد ئەڵقەی هاوسەرگیری و پێکهێنانی ژیانی هاوژینییان گۆڕییەوە.

سابیئەكان رەنگی سپیان لە لا جوانترینە. ھەر بۆیە لە جەژنەکاندا گرنگی پێدەدەن و دەیپۆشن. لە رێوڕەسمی پاکبوونەوەدا، ئەندامانی کۆمەڵگەی سابیئەی مەندائی خۆیان دەخەنە نێو ئاو بۆ خاوێنکردنەوەی رووح و جەستەیان.

سابیئەكان زیاتر لە شاری عیمارە، بەسرە، ناسریە و کەرکووک و شەقڵاوە نیشتەجێن. ئەوان پەیڕەوی ئایینی پێغەمبەر یەحیا دەکەن.

بەپێی ئامارێکی ئەنجوومەنی کاروباری سابیئە مەندائییەکانی عێراق، تاوەکو ساڵی 2003 ژمارەیان نزیکەی 100 ھەزار کەس دەبوو، بەڵام گرژییەکان و ھەڕەشەی گرووپە چەکدارەکان وایان کردووە ئێستا لە سەرجەم عێراق کەمتربن لە 15 ھەزار کەس و ئەوانەی کۆچیان کردووە، زۆربەیان لە سووریا، ئوردن و تورکیا گیرساونەتەوە.