مەسرور بارزانی سەرەخۆشی لە بنەماڵەی قوربانییانی کوت دەکات

 

بەرەبەیانیی ئەمڕۆ پێنجشەممە، ئاگرێکی گەورە لە باڵەخانەیەکی 5 نهۆمیی شاری کوتی نێوەڕاستی عێراق کەوتەوە. وەزارەتی ناوخۆی عێراق دەڵێت، 61 کەس گیانیان لەدەستداوە و تەرمی 14 کەسیشیان ناناسرێتەوە. 

 

مەسرور بارزانی، سەرۆکوەزیرانی هەرێمی کوردستان ئەمڕۆ پەیامێکی هاوخەمی بۆ کەسوکاری قوربانییانی رووداوەکە نارد و هیوای چاکبوونەوەی خێرایشی بۆ بریندارەکان خواست.

 

مەسرور بارزانی دەڵێت، "وەک هەمیشە دەرگای هەرێمی کوردستان بۆ هەموو لێقەوماوان کراوەیە و وەزارەتی تەندروستیی هەرێم و هەموو دامودەزگاکانمان ئامادەن بۆ چارەسەری برینداران و پێشکەشکردنی هەر هاوکارییەکی پێویست."