گرژی لە سنووری باکوور و رۆژئاوای کوردستان دروستبوو؛ پۆلیسی تورکیا رووبەڕووی هاونیشتمانییان بووەوە

گرژییەکە لە سنووری شاری نوسێبین لە پارێزگای مێردین سەریهەڵدا، کە دەکەوێتە بەرامبەر شاری قامشلۆی ژێر دەسەڵاتی هێزەکانی سووریای دیموکرات لە رۆژئاوای کوردستان.

خۆپێشاندانەکە لەلایەن پارتی یەکسانی و دیموکراسیی گەلان (دەم پارتی)ەوە رێکخرابوو، کە زۆرینەی بەرپرس و ئەندامەکانی کوردن.

زیاتر لە 1000 هاونیشتمانی لە نوسێبینەوە بەرەو سنوور رۆیشتن و هێزەکانی پۆلیس رێگەیان لێگرتن لە سنوور بپەڕنەوە. پۆلیس بۆ بڵاوەپێکردنی خۆپێشاندەران گازی فرمێسکڕێژی بەکارهێنا.

ئەم دۆخە لە کاتێکدایە، هێزەکانی حکومەتی سووریا هێرشێکی بەرفراوانیان دەستپێکردووە بۆسەر شار و شارۆچکەکانی رۆژئاوای کوردستان.

ئەو هەنگاوەی سوپای سووریا ناڕەزایەتی و تووڕەیی لەنێو کوردی هەر چوار پارچە و دیاسپۆرادا دروستکردووە.