رووداو دیجیتاڵ
قایمقامی بۆکان دەڵێ، منداڵێکی خەڵکی گوندی بەردە زەردی بۆکان بەهۆی گیربوونی خواردن لە گەرووی گیانی لەدەستدا.
خەشیار سەنعەتی، قایمقامی بۆکانی رۆژهەڵاتی کوردستان رایگەیاند: "کوڕە قوتابییەکی خەڵکی گوندی بەردە زەردی بۆکان لە کاتی پشووی نێوان وانەکاندا خواردنی خواردووە کە لە گەرووی گیربووە و دوای ئەوەی گەیێندراوەتە نەخۆشخانە گیانی لەدەستداوە."
هاونیشتمانییەکی خەڵکی بۆکان بە رووداوی راگەیاند، رووداوەکە رۆژی پێنجشەممە بووە و قوتابییەکەش ناوی (م. پ) بووە و لە کاتی خواردنی کێک لە حەوشە قوتابخانەکە رای کردووە خواردنەکە لە گەرووی ماوە و بەو هۆیەوە گیانی لەدەستداوە.