هەڵەیەک روویدا! دووبارە هەوڵبدە
رووداو دیجیتاڵ
ناوەندی راگەیاندنی هێزەکانی سووریای دیموکرات دەڵێت، پار 98 ئۆپەراسیۆنیان بۆسەر داعش ئەنجامداوە و 17 چەکدار و سەرکردەی رێکخراوە پەڕگیرەکەیان کوشتووە.
رۆژی سێشەممە، 21ـی کانوونی دووەمی 2024، ناوەندی راگەیاندنی هەسەدە ئاماری ئۆپەراسیۆنەکانی لە ساڵی 2024 دژی داعش بڵاوکردەوە.
هەسەدە دەڵێت، پار 98 ئۆپەراسیۆنی بۆسەر پێگەکانی داعش ئەنجام داوە و 17 کەسی لە رێکخراوەکە کوشتوون کە شەشیان سەرکردە بوون.
هەسەدە ئاماژە بەوە دەکات، لەو ساڵەدا 278 چەکداری داعشیان دەستگیرکردوون؛ دەستیشیان بەسەر بڕێکی زۆر چەک و تەقەمەنیدا گرتووە.
لەبارەی هێرشەکانی داعشیش بۆ سەر هێزەکە، هەسەدە باس لەوە دەکات، پار داعش 113 هێرشی کردوەتە سەر هێزەکانی و پێشوەختەش 43 هێرشی ئەو رێکخراوە پەڕگیرەی شکست پێهێناوە.
هەسەدە هێزی سەربازیی بەڕێوەبەرایەتیی خۆسەرە و لەلایەن هاوپەیمانانەوە پاڵپشتی دەکرێت و نزیکەی 100 هەزار شەڕڤانی هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ