ژنێک لە بەریتانیاوە دەگەڕێتەوە بۆ کوردستان و دوای نەشتەرگەریی جوانکاری گیان لەدەستدەدات

ژنەکە ناوی (شۆخان عەبدوڵڵا) یە و، لە یەکێک لە نەخۆشخانە تایبەتەکانی سلێمانی نەشتەرگەریی جوانکاری بۆ کراوە. کەسوکارەکەی دەڵێن، دوای ئەو نەشتەرگەرییە تەندروستیی تێکچووە و گیانی لەدەستداوە. 

کەسێکی نزیکی شۆخان بە رووداوی راگەیاند، "هیچ کێشەیەکی نەبووە و ساخ و تەندروست بووە، لە نەخۆشخانەیەکی تایبەت لە سلێمانی نەشتەرگەریی راکێشانی چەوریی ورگی بۆ کرا، دوای ئەوە گیانی لەدەستدا."

نەشتەرگەرییەکی شۆخان عەبدوڵڵا شەوی سێشەممە کراوە.

بەپێی زانیارییەکانی رووداو، ئەو ژنە دایکی سێ منداڵە و لە بەریتانیا ژیاوە. رۆژێک پێش جەژنی رەمەزان گەڕاوەتەوە هەرێمی کوردستان. 

کلیک بکە و هەموو شتێک لەبارەی نەشتەرگەریی دەرهێنانی چەوری بزانە