هەڵەیەک روویدا! دووبارە هەوڵبدە
رووداو دیجیتاڵ
پەیامنێری رووداو رایگەیاند، نیوەڕۆی ئەمڕۆ شەممە، فڕۆکە جەنگییەکانی تورکیا بۆ ماوەی کاژێرێک زنجیرە چیاکانی مەتین و دەڤەری نهێلێ یان لە سنووری ئامێدی بۆردوومان کرد.
ئەمڕۆ شەممە، 24-06-2023، فایەق بەلاڤەیی، هاونیشتمانیی سنوورەکە بە تۆڕی میدیایی رووداوی راگەیاند، بۆردوومانەکە کاژێر 12:15ی نیوەڕۆی ئەمڕۆ دەستیپێکرد و فڕۆکە جەنگییەکانی تورکیا زنجیرە چیای مەتینیان لە پشت گوندی بەلاڤە بۆردوومان کرد و تاوەکو ئێستاش بەردەوامە.
بەگوتەی ئەو هاونیشتمانییە، دوو جار لەسەر یەک هەمان شوێن بۆردوومانکراوە و ئێستاش بەردەوام دەنگی فڕۆکە لە ئاسمانی ناوچەکەدا دەبیسترێت.
لەبارەی زیانی بۆردوومانەکە، فایەق بەلاڤەیی گوتی، ئەو شوێنەی بۆردوومان کراوە ناوچەیەکی قەدەخەکراوە و هیچ زیانی بۆ خەڵکی سڤیل نەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ