هەڵەیەک روویدا! دووبارە هەوڵبدە
رووداو دیجیتاڵ
لە رووداوێکی هاتووچۆدا لە رێگەی پاتاقی سەرپێڵی زەهاو لە پارێزگای کرماشان، دوو کەس گیانیان لەدەستدا.
درەنگانی شەوی رابردوو، 24-11-2024 لەسەر رێگەی پاتاقی سەرپێڵی زەهاو لە پارێزگای کرماشانی رۆژهەڵاتی کوردستان، تانکەرێک کە سووتەمەنیی پێبوو، وەرگەڕا و بەهۆیەوە دوو کەس لە سەرنشینانی گیانیان لەدەستدا.
مەرزبان بەساتی، جێگری قائیمقامی سەرپێڵی زەهاو رایگەیاند، بەهۆی خلیسکانی تانکەرێک کە هەڵگری سووتەمەنی بووە و بەرەو کرماشان چووە، وەرگەڕاوە و کەوتووەتە ناو دۆڵی پاتاق، بەو هۆیەوە دوو کەس گیانیان لەدەستداوە.
بەساتی گوتیشی، تیمەکانی فریاگوزاری زوو گەیشتنە شوێنی رووداوەکە، بەڵام سەرنشینەکان گیانیان لەدەستدابوو، تەرمەکانیان دەرهێندران و گواسترانەوە بۆ دادپزیشکی.
جێگری قائیمقامی سەرپێڵی زەهاو ئاماژەی بەوەش کرد، ئەو کەسانەی لە رووداوەکەدا گیانیان لەدەستداوە، خەڵکی ئەهوازن لە پارێزگای خوزستان لە باشووری ئێران.
بەگوێرەی راپۆرتی دادپزیشکیی ئێران لە 21-03-2024ەوە تاوەکو 21-07-2024، شەش هەزار و 262 کەس لە ئێران و رۆژهەڵاتی کوردستان لە رووداوی هاتووچۆدا گیانیان لەدەستداوە و 127 هەزار و 350 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ