کەشناسی هۆشداری روودانی لافاو دەدات

رووداو- هەولێر

بەڕێوەبەرایەتی گشتی کەشناسی و بوومەلەرزەزانی هەرێمی کوردستان هۆشداری دروستبوونی لافاو دەدات.

بەگوێرەی راگەیێندراوێکی بەڕێوەبەرایەتی گشتی کەشناسی و بوومەلەرزەزانی هەرێمی کوردستان بەهۆی دوو نزمە پاڵەپەستۆی دەریای سوور و دەریای سپی ناوەڕاست، لە رۆژی شەممە 26-3-2016-ەوەباران بارین دەستپێدەکات و لە رۆژی یەکشەممەوە چڕتر دەبێتەوە و لە هەندێک شار و شارۆچکەی هەرێمی کوردستان، بەتایبەتی هەولێر و سلێمانی و کەرکووک ئەگەری دروستبوونی لافاو هەیە.

لە راپۆرتەکەدا ئاماژە بۆ ئەوەشکراوە پلەکانی گەرما 5 بۆ 8 پلەی سیلیزی دادەبەزن و رێژەی بارانبارینی پێشبینیکراویش بۆ هەولێر، سلێمانی و کەرکووک 60 بۆ 70 ملم دەبێت و لە دهۆکیش 40 بۆ 50 ملم دەبێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger