ئاماری بارانبارین بڵاوکرایەوە، زۆرترینی لە شێلادزێ بووە

 

 

 

بەگوێرەی ئامارەکەی کەشناسیی هەرێمی کوردستان، لە 24 کاژێری رابردوودا، زۆرترین باران لە سنووری پارێزگای دهۆک باریوە، پاشان پارێزگای هەولێر، سلێمانی و کەرکووک؛ لە هەڵەبجە باران نەباریوە.

 

 

بە گوێرەی کەشناسیی هەرێمی کوردستان، ئەمڕۆ هەینی "لە سنووری پارێزگاکان هەولێر و کەرکووک نمەباران و بارانی مامناوەند بە پچڕ پچڕی دەبارێت، بەڵام سنووری پارێزگاکانی دهۆک، سلێمانی و هەڵەبجە و ئیدارە سەربەخۆکانی، زاخۆ، سۆران، راپەڕین و گەرمیان رێژەی دابارین زیاتر دەبێت".

 

لەبارەی کەشوهەوای سبەیەوە کەشناسیی رایگەیاندووە: "نمەباران و بارانی مامناوەند بە پچڕ پچڕی لە سنووری پارێزگای دهۆک و ئیدارەی سەربەخۆی سۆران دەبارێت. ئەگەری بارینی بەفرێکی کەم لە ناوچە شاخاوییەکانی باکووری هەرێمی کوردستان هەیە".

 

 

ئاماری بارانبارینی 24 کاژێری رابردوو بە گوێرەی پارێزگاکان بەمشێوەیەیە:

 

 

هەولێر: 7.7 ملیمەتر 

پیرمام: 11.1 ملیمەتر

شەمامک: 7.2 ملیمەتر

سۆران: 10.5 ملیمەتر

هیران: 1.5 ملیمەتر

خەبات: 5 ملیمەتر

شەقڵاوە: 10 ملیمەتر

حاجی ئۆمەران: 3 ملیمەتر

بارزان: 25 ملیمەتر

رواندز: 13.5 ملیمەتر

مێرگەسۆر: 28 ملیمەتر

سیدەکان: 16 ملیمەتر

چۆمان: 13.2 ملیمەتر

خەلیفان: 14.6 ملیمەتر

بەنداوی گۆمەسپان: 10 ملیمەتر

بەنداوی دوین: 16.5 ملیمەتر

 

 

سلێمانی: 0 ملیمەتر

چەمچەماڵ: 1 ملیمەتر

بازیان: 0.8 ملیمەتر 

رانیە: 3.5 ملیمەتر

قەڵادزێ: 6 ملیمەتر

چوارقورنە: 3 ملیمەتر

سەرکەپکان: 5.8 ملیمەتر

ئاغجەلەر: 4 ملیمەتر

تەکیە: 3.3 ملیمەتر

 

 

دهۆک: 11.9 ملیمەتر

زاخۆ: 24.1 ملیمەتر

ئاکرێ: 10.4 ملیمەتر

بامەڕنێ: 32 ملیمەتر

مانگیش: 32 ملیمەتر

کانی ماسێ: 30 ملیمەتر

ئامێدی: 45 ملیمەتر

بجیل: 17 ملیمەتر

گردەسێن: 22.5 ملیمەتر

دینارتە: 19 ملیمەتر

باتوفە: 24 ملیمەتر

سەرسەنگ: 46.5 ملیمەتر

شێخان: 14 ملیمەتر

بەردەڕەش: 7.9 ملیمەتر

دێرەلوک: 63 ملیمەتر

باعەدرێ: 15 ملیمەتر

قەسرۆک: 12.8 ملیمەتر

چەمانکێ: 35 ملیمەتر

زاویتە: 31 ملیمەتر

سێمێل: 13.2 ملیمەتر

شێلادزێ: 56 ملیمەتر

 

بەگوێرەی ئامارەکە، لە هەڵەبجە و ناحیەکانی باران نەباریوە. هەروەها لە کەرکووک باران نەباریوە، بەڵام لە دوو ناحیەی ئەو پارێزگایە باران باریوە، ئەویش ناحیە شوان 1.6 ملیمەتر و تەکیەی جباری 1 ملیمەتر بووە.

 

 

بەگوێرەی کەشناسیی هەرێمی کوردستان، ئەمڕۆ بەراورد بە دوێنی پلەی گەرما 2 بۆ 4 پلەی سیلیزی دابەزیوە، لە ناوچە شاخاوییەکان پلەی گەرما نزیکەی 7 پلە دابەزیوە.

 

کەشناسیی هەرێمی کوردستان ئاماژەی بەوە کردووە، پلەی گەرمای سبەی شەممە "نزیک دەبێتەوە" لە تۆمارکراوەکانی ئەمڕۆ و بەمشێوەیە دەبێت:

 

هەولێر:15 پلەی سیلیزی 

سلێمانی: 13  پلەی سیلیزی 

دهۆک: 8 پلەی سیلیزی

هەڵەبجە: 15 پلەی سیلیزی

پیرمام: 8 پلەی سیلیزی

سۆران: 10 پلەی سیلیزی 

حاجی ئۆمەران: 1 پلەی سیلیزی 

چەمچەماڵ: 15 پلەی سیلیزی

زاخۆ: 9 پلەی سیلیزی 

گەرمیان: 20 پلەی سیلیزی