بەهۆی هێرشێکەوە لە کرماشان 8 کەس کوژران

 

 

هێرشەکە بەرەبەیانی ئەمڕۆ شەممە 28-03-2026 بە مووشەک کراوەتە سەر گەڕەکی چەقاگوڵان لە ناوەندی پارێزگای کرماشانی رۆژهەڵاتی کوردستان.

 

بەهرام سولەیمانی، جێگری پارێزگاری کرماشان رایگەیاند، لە ئەنجامی هێرشەکەدا، چەند باڵەخانەیەک رووخاون و 8 کەس کوژراون.

 

بە گوتەی بەهرام سولەیمانی، چوار لە کوژراوەکان قوتابیی کچن بە ناوەکانی عەسەل کەهریزی، یەلدا کەریمی، یەکتا کەریمی و پانیا ئیمامی.

 

بەگوێرەی مانگی سووری ئێران، لە ئەنجامی هێرشەکەدا زیاتر لە 10 باڵەخانە زیانیان بەرکەوتووە، یان بە تەواوی رووخاون.