هەڵەیەک روویدا! دووبارە هەوڵبدە
رووداو دیجیتاڵ
مانگی سووری ورمێ دەڵێ، رێگەی مهاباد - بۆکان لە پارێزگاکە بەهۆی زۆریی بەفربارینەوە تاوەکو سبەی سێشەممە دادەخرێ.
ئەمڕۆ دووشەممە، 29ی کانوونی یەکەمی 2025، حەمید مەحبووبی، بەڕێوەبەری مانگی سووری پارێزگای ورمێ لە رۆژهەڵاتی کوردستان رایگەیاند: "بەهۆی بەردەوامیی دۆخی نالەباری کەشوهەوا، رێگەی مهاباد - بۆکان تاوەکو سبەی سێشەممە دادەخرێ."
حەمید مەحبووبی گوتی: "ئەمڕۆ چەندین ئۆتۆمبێل لەو رێگەیە تووشی ئاستەنگی هاتووچۆ بوون و لە لایەن تیمەکانەوە رزگار کران."
حەمید مەحبووبی داوای لە هاونیشتمانییان کرد تاوەکو سبەی ئەو رێگەیە بەکارنەهێنن؛ ئاماژەی بەوەشکرد، تیمەکانی رێگەوبان و مانگی سوور سەرقاڵی کردنەوەی رێگەکەن.
لە رۆژی شەممەوە شەپۆلێکی بەفر و باران پارێزگاکانی رۆژهەڵاتی کوردستانی گرتووتەوە؛ لە هەندێک شوێن زیاتر لە یەک مەتر بەفر باریوە.
بەپێی کەشناسی پارێزگاکانی رۆژهەڵاتی کوردستان شەپۆلەکە تاوەک ئێوارەی سێشەممە بەردەوام دەبێ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ